Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Stöðuvörður

Bílastæðasjóður leitar að starfskrafti í fjölbreytt starf stöðuvarðar, sem felur í sér m.a. útiveru og göngu, tölvuvinnu, akstur bifreiðar og virka teymisvinnu. Starfsfólk Bílastæðasjóðs leiðbeinir borgarbúum og öðrum varðandi gjaldskyldu og stöðvunarbrot, skráir brot eftir aðstæðum og leggur á gjöld. Þannig tryggjum við betri nýtingu bílastæða og að gönguleiðir og akreinar séu greiðfærar. Í starfinu er áhersla lögð á góða þjónustu og uppbyggileg samskipti.

Helstu verkefni og ábyrgð

Eftirlit með bifreiðastöðum og notkun gjaldskyldra stæða utanhúss.
Skrifa út og skrásetja aukastöðu- og stöðvunarbrotagjöld á ökutæki.
Yfirferð mögulegra álagninga.
Veita leiðbeiningar til viðskiptavina Bílastæðasjóðs um þjónustu og aðstoð eins og unnt er.
Eftirlit með virkni stöðumæla og tilkynna um bilanir og tjón.
Skrifa umsagnir um endurupptöku álagninga sem teknar eru til meðferðar.

Menntunar- og hæfniskröfur

Umsækjendur þurfa að vera 20 ára eða eldri.
Ökuréttindi, góð ökuhæfni og reynsla af innanbæjarakstri.
Nýleg þekking og reynsla af Windows stýrikerfinu.
Góð hæfni í mannlegum samskiptum, áreiðanleiki og þjónustulund.
Vandvirkni og góð athygli. Íslenskukunnátta á stigi B2 og enskukunnátta á stigi A2-B1 skv. samevrópskum tungumálaramma.
Líkamlegt hreysti til að vinna úti í öllum veðrum.

Laun eru samkvæmt samningi Reykjavíkurborgar og hlutaðeigandi stéttarfélags.
Vinnufyrirkomulag er vaktavinna.
Nánari upplýsingar um starfið veitir Guðmundur Ragnar Björnsson deildarstjóri útideildar, [email protected] og Matthías Bernhöj Daðason deildarstjóri Bílastæðasjóðs [email protected]
Umsóknum skal skila í gegnum ráðningarvef Reykjavíkurborgar - ekki er tekið við umsóknum gegnum tölvupóst.

Auglýsing birt22. júní 2026

Umsóknarfrestur30. júní 2026

Tungumálahæfni