Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Stefnu- og gæðastjóri

Laust er til umsóknar fullt starf stefnu- og gæðastjóra á rektorsskrifstofu Háskóla Íslands. Stefnu- og gæðastjóri hefur umsjón með kerfisbundnu stefnu- og gæðastarfi skólans sem hefur það að markmiði að tryggja gæði og stuðla að framþróun í starfsemi hans.

Starfið heyrir undir rektor og er unnið í nánu samstarfi við aðstoðarrektor vísinda og þverfræðileika og aðra stjórnendur. Starfinu fylgir víðtækt samstarf og samráð bæði innan og utan Háskóla Íslands, m.a. við miðlæga stjórnsýslu, stjórnendur og starfsfólk fræðasviða og deilda, stúdenta, ásamt innlendum og erlendum samstarfsaðilum á sama sviði. Áhersla er lögð á að stefnu- og gæðastarf innan Háskóla Íslands byggi á traustum gögnum og nýti tæknilausnir til að styðja stjórnendur, starfsfólk og stúdenta við að efla gæði og tryggja skilvirkni og góða nýtingu tíma og fjármuna.

Helstu verkefni og ábyrgð

Hafa umsjón með rekstri og framþróun stjórnunarkerfis stefnu- og gæðastarfs við skólann.
Tryggja að stjórnunarkerfi stefnu- og gæðastarfs styðji við stjórnendur, starfsfólk og stúdenta og uppfylli þær kröfur sem gerðar eru til skólans af utanaðkomandi aðilum.
Efla gæðamenningu og samþætta stefnu- og gæðastarf á þann hátt að það leiði til stöðugra umbóta og framþróunar á starfsemi skólans.
Fer fyrir stefnu- og gæðateymi skólans.
Ritari Stefnu- og gæðaráðs Háskóla Íslands.
Fulltrúi skólans í ráðgjafarnefnd Gæðamats íslenskra háskóla.

Menntunar- og hæfniskröfur

Reynsla af stefnu- og gæðastarfi.
Reynsla af stjórnun.
Framhaldsmenntun á háskólastigi sem nýtist í starfi.
Reynsla af störfum í háskólaumhverfi, svo sem af kennslu- og vísindastörfum, er kostur.
Gott vald á upplýsingatækni og notkun hennar við stefnu- og gæðamál og geta til að tileinka sér og innleiða nýjungar á því sviði er æskileg.
Góð hæfni í mannlegum samskiptum ásamt leiðtogafærni.
Góð íslensku og enskukunnátta ásamt hæfni til að miðla upplýsingum á skýran og faglegan hátt, bæði í ræðu og riti.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar samfélaginu, stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.

Nánari upplýsingar veitir:

Rögnvaldur Jóhann Sæmundsson, aðstoðarrektor vísinda og þverfræðileika - [email protected]

Auglýsing birt25. ágúst 2025

Umsóknarfrestur4. september 2025

Tungumálahæfni