Rubix er leiðandi afl á Evrópumarkaði í dreifingu á rekstrarvörum fyrir iðnað, þekkt fyrir hágæðavörur og lausnamiðaða þjónustu. Við erum í örum vexti á Íslandi og teljum í dag um 70 samhenta starfsmenn sem eru lykillinn að árangri okkar. Starfsemi okkar teygir sig um allt land. Við rekum verslanir undir merkjum Verkfærasölunnar/Rubix í Reykjavík, Kópavogi, Akureyri og Reykjanesbæ, auk þess að reka öflug vöruhús og þjónustueiningar í Kópavogi og hjá Alcoa Fjarðaáli á Reyðarfirði. Hjá Rubix leggjum við metnað í að veita framúrskarandi þjónustu í lifandi og kraftmiklu starfsumhverfi. Vertu velkomin(n) í hópinn.