Laus störf Hæfnileit Vinnustaðir Námskeið

Norðurorka hf.

Norðurorka hf. rekur fjölbreytta veitustarfsemi á Akureyri og Eyjafjarðarsvæðinu. Meginhlutverk fyrirtækisins er að þjónusta heimili og atvinnulíf með vinnslu og dreifingu á heitu vatni og neysluvatni, rekstri dreifikerfis raforku og rekstri fráveitu. Norðurorka hf. er reyklaus vinnustaður og starfar skv. vottuðu gæðakerfi (ISO 9001).

Vinnustaðurinn

Starfsmaður í Fráveitu

Norðurorka óskar eftir laghentum og úrræðagóðum snyrtipinna í fjölbreytt starf við fráveitukerfi Akureyrar.

Fráveitukerfið er viðamikið og markvisst hefur verið unnið að uppbyggingu þess, m.a. með byggingu fjölda dælustöðva, yfirfallsstöðva og lagningu þrýstilagnar meðfram strandlengjunni að nýrri útrás við Sandgerðisbót.Hreinsistöðin er með þeim stærri á landinu. Hún og fráveitukerfið í heild sinni eru tæknivædd með eftirlitskerfi.

Starfið er á framkvæmdasviði og næsti yfirmaður er verkstjóri framkvæmdaþjónustu

Helstu verkefni og ábyrgð

Daglegur rekstur og eftirlit með hreinsistöð ásamt fráveitukerfi
Umsjón og eftirlit með dælustöðvum fráveitu
Umsjón og eftirlit með vinnu verktaka í fráveitukerfum
Sýnataka í hreinsistöð fráveitu
Sýnataka í sjó á völdum stöðum
Samskipti við viðskiptavini og verktaka
Aðstoð við umhirðu varaaflstöðva til rafmagnsframleiðslu
Önnur verk er til falla og yfirmaður ákveður

Menntunar- og hæfniskröfur

Menntun sem nýtist í starfi
Iðnmenntun eins og vélvirkjun eða vélfræði er kostur
Almenn ökuréttindi
Góð tölvu- og tæknikunnátta
Góð íslenskukunnátta
Þekking á viðhaldskerfum er kostur
Reynsla af veitukerfi er kostur
Reynsla af jarðlagnatækni er kostur
Dugnaður, frumkvæði og jákvæðni

Fríðindi í starfi

Samgöngustyrkur
Íþrótta- og líkamsræktarstyrkur
Símtækjastyrkur
Niðurgreitt mötuneyti

Konur eru sérstaklega hvattar til að sækja um starfið!

Umsókn skal fylgja ferilskrá, afrit af prófskírteinum og önnur þau gögn sem umsækjandi metur nauðsynleg. Upplýsingar um starfið veitir Tryggvi A. Guðmundsson, verkstjóri framkvæmdaþjónustu, í netfanginu [email protected] eða í síma 460 1300.

Auglýsing birt22. maí 2026

Umsóknarfrestur9. júní 2026

Tungumálahæfni