Starfsmaður í Framleiðslu

Framleiðslustarf í rannsókna- og þróunarsetri Bláa Lónsins í Svartsengi. Við leitum að ábyrgum og lausnamiðuðum einstaklingi sem hefur áhuga á fjölbreyttum verkefnum tengdum framleiðslu, rekstri búnaðar og lagerumsjón.

Helstu verkefni

• Framleiðsla á hráefnum úr jarðsjó Bláa Lónsins; kísil, salt og örþörunga.
• Dagleg umsjón með lögnum og tækjabúnaði.
• Áfyllingar og pökkun.
• Lager- og lyftaravinna.
• Dagleg þrif og frágangur, bæði innan- og utandyra.
• Önnur tilfallandi verkefni.

Hæfniskröfur

• Lyftararéttindi er kostur.
• Reynsla af sambærilegum störfum eða verkefnum er kostur.
• Hæfni til að sinna fjölbreyttum tækjabúnaði.
• Sjálfstæð og skipulögð vinnubrögð ásamt góðri samskiptahæfni.
• Frumkvæði, tæknileg hugsun og áhugi á að þróa vinnuferla með markvissri nýtingu búnaðar og tæknilausna til aukinnar skilvirkni.
• Góð íslensku-og enskukunnátta er skilyrði.

Umsóknarfrestur er til 16.október.

Bláa Lónið er lifandi og skemmtilegur vinnustaður þar sem áhersla er lögð á sífellda þróun og nýsköpun. Í boði er starf á vinnustað sem býður upp á fjölbreyttar og krefjandi áskoranir. Einnig eru ýmis fríðindi í boði, svo sem heilsuræktarstyrkur, þátttaka í einu öflugasta starfsmannafélagi landsins og fleira.

Bláa Lónið starfar samkvæmt vottaðri gæðastjórnun ISO 9001:2015, öryggisstjórnun ISO 45001 og umhverfisstjórnun ISO 14001.