Laus störf Hæfnileit Vinnustaðir Námskeið

Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

Vinnustaðurinn

Síminn leitar að öflugu sölufólki!

Ert þú árangursdrifinn og með brennandi áhuga á sölu?

Við leitum að öflugu sölufólki til að ganga til liðs við sölusóknina okkar í spennandi og krefjandi starf með frábærum tekjumöguleikum.
Starfið felur í sér að selja vörur og þjónustur Símans og afla nýrra viðskiptavina með markaðssókn í gegnum símasölu.

Ef þú hefur söluhæfileika og vilt ná árangri í starfi, þá gæti þetta verið tækifærið fyrir þig!

Helstu verkefni og ábyrgð

Sala á vörum og þjónustum Símans á einstaklingsmarkaði
Uppbygging, skipulag og eftirfylgni sölutækifæra
Gerð tilboða og skráning í sölukerfi Símans
Markviss vinna að skýrum sölumarkmiðum

Menntunar- og hæfniskröfur

Reynsla af sölumennsku er skilyrði
Sjálfstæð vinnubrögð, skipulag og drifkraftur
Jákvætt viðhorf, metnaður og vilji til að ná árangri
Þekking á Salesforce er kostur
Stúdentspróf eða sambærileg menntun er æskileg
Umsækjendur þurfa að hafa náð 18 ára aldri

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita fyrirtækjum framúrskarandi lausnir byggðar á fyrsta flokks tækni með hraða, öryggi og þjónustu að leiðarljósi. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Umsóknarfrestur er til og með 19. apríl 2026.

Sótt er um starfið á vef Símans. Nánari upplýsingar veitir [email protected]

Við metum umsóknir jafnóðum og þær berast og boðum í viðtöl eftir því sem við á. Ráðið verður í starfið þegar við finnum rétta einstaklinginn í hlutverkið.

Í anda jafnréttisstefnu Símans hvetjum við öll kyn til að sækja um.

Auglýsing birt7. apríl 2026

Umsóknarfrestur19. apríl 2026

Tungumálahæfni