Laus störf Hæfnileit Vinnustaðir Námskeið

Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Sérfræðingur í alþjóðlegum efnahagsmálum og fjármálamörkuðum

SEÐLABANKI ÍSLANDS óskar eftir að ráða metnaðarfullan sérfræðing í teymi fjármálamarkaða á sviði fjármálastöðugleika til að móta og sjá um greiningu og miðlun efnis um þróun erlendra efnahagsmála og áhættu tengdri alþjóðastjórnmálum.

Eitt meginverkefna Seðlabankans er að stuðla að stöðugu, öruggu og virku fjármálakerfi. Svið fjármálastöðugleika hefur umsjón með greiningu á áhættu í fjármálakerfinu, fylgist með þróun þess, styrk, skilvirkni og áhrifum efnahagslegra þátta á kerfið í heild sinni. Einnig tekur sviðið þátt í mótun varúðarreglna fyrir fjármálakerfið, ber ábyrgð á framkvæmd álagsprófa og fylgist með greiðslumiðlun og fjármálainnviðum með það að markmiði að stuðla að öryggi, virkni og hagkvæmni.

Markmið deildar fjármálamarkaða er að varðveita stöðugleika fjármálakerfisins í heild með því að takmarka kerfisáhættu, styrkja viðnámsþrótt og lágmarka þannig hættu á fjármálaáföllum. Sérfræðingurinn mun bera ábyrgð á skrifum fyrir ritið Fjármálastöðugleika ásamt öðrum greiningum fyrir Seðlabankann.

Helstu verkefni og ábyrgð

Fylgjast með og greina þróun erlendra fjármálamarkaða, stjórnmála og efnahagsmála og meta möguleg áhrif hér á landi.

Greina m.a. alþjóðlega skuldsetningu, vaxtaþróun, lausafjáráhættu, ríkisfjármálaáhættu og gjaldeyris-, hrávöru- og eignamarkaði.
Þróa greiningar og gagnasöfn.
Skrifa í rit bankans, m.a. Fjármálastöðugleika, kynna niðurstöður og rannsóknir.

Taka þátt í innlendu og alþjóðlegu samstarfi.

Menntunar- og hæfniskröfur

Háskólapróf sem nýtist í starfi, t.d. í hag- eða verkfræði. Framhaldsmenntun er kostur.
Góð þekking á fjármálamörkuðum og þjóðhagfræði.
Þekking á helstu miðlunarleiðum alþjóðlegra áfalla yfir í raunhagkerfið og fjármálakerfið er kostur.
Reynsla af greiningu á alþjóðlegri efnahagsþróun, fjármálamörkuðum, geópólitískri áhættu eða fjármálastöðugleika er kostur.

Reynsla af vinnu með gagnagrunna er æskileg.
Reynsla af tímaraðagreiningum og notkun tölfræðiforrita er kostur.

Öguð og nákvæm vinnubrögð, greiningarhæfni og frumkvæði.

Færni í mannlegum samskiptum og hæfni til að vinna sjálfstætt og með öðrum.

Gott vald á íslensku og ensku og færni til að tjá sig í ræðu og riti.

Frekari upplýsingar veita Þorsteinn Sigurður Sveinsson, forstöðumaður fjármálamarkaða ([email protected]) og Erla Traustadóttir, mannauðsráðgjafi á sviði mannauðs og menningar ([email protected]). Umsóknarfrestur er til og með 2. nóvember nk.

Um er að ræða 100% starfshlutfall með starfsstöð í Reykjavík. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Hjá Seðlabankanum starfar öflug liðsheild í metnaðarfullu og hvetjandi starfsumhverfi þar sem áhersla er lögð á sveigjanleika, fagmennsku og þekkingu.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. 

Laun greiðast samkvæmt kjarasamningi samtaka starfsmanna fjármálafyrirtækja.

Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt16. október 2026

Umsóknarfrestur2. nóvember 2026

Tungumálahæfni