Laus störf Hæfnileit Vinnustaðir Námskeið

Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Sérfræðingur í vistfræði ferskvatnsfiska - fiskifræðingur

Hafrannsóknastofnun, rannsókna- og ráðgjafarstofnun hafs og vatna, hefur laust til umsóknar starf sérfræðings í vistfræði ferskvatnsfiska - fiskifræðings. Í starfinu felst vinna við rannsóknir á ferskvatnsfiskum, ráðgjöf varðandi sjálfbæra nýtingu, mat á áhrifum umhverfisþátta og framkvæmda. Lögð er áhersla á að ráða lausnamiðaðan einstakling sem hefur góða færni í að vinna sjálfstætt og í teymi.

Helstu verkefni og ábyrgð

Vinna við rannsóknir á ferskvatnsfiskum.
Vinna að söfnun og greiningu gagna.
Mat á áhrifum umhverfisþátta á villta stofna laxfiska.
Mat á áhrifum framkvæmda á villta stofna laxfiska.
Miðlun upplýsinga, ritun skýrslna og fræðigreina.
Þátttaka í samstarfi við innlenda og erlenda samstarfsaðila.
Virk þátttaka í teymum á fagsviði Hafrannsóknastofnunar.

Menntunar- og hæfniskröfur

Meistara- eða doktorspróf í líffræði með fiska sem sérgrein.
Reynslu af rannsóknarvinnu er æskileg.
Færni í greiningu gagna.
Þekking á gagnavinnsluhugbúnaði (s.s. R, Pyton) og gerð líkana.
Metnaður, frumkvæði og sjálfstæði í vinnubrögðum.
Góðir skipulags-og samskiptahæfileikar.
Jákvætt viðmót, samstarfsvilji og hæfni til að vinna í teymi.
Góð íslensku og enskukunnátta í töluðu og rituðu máli. Þekking á norðurlandamáli er kostur.

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

Ítarleg ferilskrá að hámariki 2 bls
Afrit af prófskírteinum
Kynningarbréf þar sem fram kemur bakgrunnur umsækjenda og ástæða þess að sótt er um starfið.
Nöfn tveggja meðmælenda ásamt samskiptaupplýsingum þeirra

Athugið:

Ófullnægjandi umsóknir eru ekki teknar til greina.
Hafrannsóknarstofnun áskilur sér rétt til að hafna öllum umsóknum.
Umsókn getur gilt í sex mánuði eftir að umsóknarfresti lýkur.
Öllum umsóknum verður svarað þegar ákvörðun um ráðningu liggur fyrir.
Gerð er krafa um að umsækjendur hafi hreint sakavottorð og ökuréttindi.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg einnig er hægt að senda umsóknir á [email protected]

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor

Auglýsing birt7. apríl 2026

Umsóknarfrestur17. apríl 2026

Tungumálahæfni