Laus störf Hæfnileit Vinnustaðir Námskeið

Vistor

Markmið Vistor er að vera ákjósanlegasti samstarfsaðilinn á íslenska lyfjamarkaðinum, í huga viðskiptavina, birgja, starfsmanna og samfélagsins.

Vinnustaðurinn

Sérfræðingur í viðskiptaþróun og greiningum

Sérðu tækifæri þar sem aðrir sjá bara gögn?

Vistor leitar að metnaðarfullum og drífandi sérfræðingi í viðskiptaþróun og greiningum sem vill hafa raunveruleg áhrif á þróun fyrirtækisins og lyfjamarkaðarins á Íslandi.

Við leitum að einstaklingi sem er sterkur í greiningum en hugsar lengra, sér tækifærin í gögnunum, finnur bestu lausnirnar og kemur þeim í framkvæmd.

Starfið hentar einstaklingi sem þrífst í hröðu og krefjandi umhverfi, tekur frumkvæði og getur tekið upplýstar ákvarðanir af öryggi. Við viljum manneskju sem er stöðugt að velta fyrir sér: Getum við gert þetta betur, hraðar eða snjallar?

Þú starfar náið með markaðsstjóra og sérfræðingum í viðskiptaþróun og greiningum þar sem gögn, markaðsinnsýn og ný tækni eru nýtt til að finna tækifæri, bæta ákvarðanatöku og þróa lausnir sem skapa virði fyrir Vistor og samfélagið í heild.

Helstu verkefni og ábyrgð

Greina markaðinn, þróun, trend og ný viðskiptatækifæri
Umbreyta gögnum og upplýsingum í skýra innsýn og tillögur að aðgerðum
Finna tækifæri til sjálfvirknivæðingar og stöðugra umbóta á verkferlum
Nýta gervigreind og stafrænar lausnir til að einfalda vinnu og styrkja ákvarðanatöku
Vinna að áætlanagerð, eftirfylgni og greiningu á árangri
Framkvæma kostnaðar-, ábata- og viðskiptagreiningar
Vinna að verðútreikningum og umsóknum um greiðsluþátttöku
Vinna með og eiga samskipti við birgja, opinbera aðila og samstarfsaðila
Taka virkan þátt í þróun nýrra lausna og verkefna þvert á fyrirtækið

Við erum að leita að þér ef þú

Ert greinandi, forvitin/n og lausnamiðuð/aður
Hefur metnað, frumkvæði og sterkan framkvæmdakraft
Átt auðvelt með að sjá mynstur, trend og tækifæri í gögnum
Getur tekið ákvarðanir og komið verkefnum hratt og örugglega áfram
Hefur brennandi áhuga á gervigreind, sjálfvirknivæðingu og því að gera hlutina betur
Hefur sterka samskiptahæfni og átt auðvelt með að vinna með ólíkum fagaðilum
Vinnur sjálfstætt, skipulega og tekur ábyrgð á verkefnum frá hugmynd að niðurstöðu
Hefur háskólamenntun sem nýtist í starfi, t.d. á sviði viðskipta, verkfræði, hagfræði, gagnagreiningar eða sambærilegu sviði

Þekking á lyfjamarkaði eða íslensku heilbrigðiskerfi er kostur en ekki skilyrði. Við leggjum meiri áherslu á greiningarhæfni, drifkraft, forvitni og getu til að finna og framkvæma góðar lausnir.

Umsóknarfrestur er til og með 30.ágúst nk.

Vistor er leiðandi í greiningu og viðskiptaþróun á lyfjamarkaði á Íslandi, með það markmið að bæta aðgengi að lyfjum og styðja við upplýsta og faglega ákvarðanatöku í heilbrigðiskerfinu. Umsókn skal fylgja ítarleg ferilskrá ásamt kynningarbréfi þar sem fram koma ástæður þess að sótt er um starfið.

Nánari upplýsingar veita Sonja Arnórsdóttir, Sviðsstjóri Viðskiptaþróunar og greiningar, [email protected] og Birkir Svan Ólafsson, mannauðsstjóri, [email protected]

Auglýsing birt17. ágúst 2026

Umsóknarfrestur30. ágúst 2026

Tungumálahæfni