Laus störf Hæfnileit Vinnustaðir Námskeið

Húsnæðis- mannvirkja- og skipulagsstofnun (HMS)

Húsnæðis- mannvirkja og skipulagsstofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála, skipulagsmála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkja- og skipulagsmála og stuðlar að fyrirsjáanleika, skilvirkni og gæðum mannvirkjagerðar. Húsnæðis- mannvirkja og skipulagsstofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 190 talsins.

Vinnustaðurinn

Húsnæðis- mannvirkja- og skipulagsstofnun (HMS)

Sérfræðingur í umhverfismati

VILT ÞÚ STARFA Á NÚTÍMALEGUM VINNUSTAÐ SEM LEGGUR ÁHERSLU Á FRAMÚRSKARANDI ÞJÓNUSTU OG ÁRANGURSDRIFIÐ VINNUUMHVERFI?

Skipulagsstofnun hefur nú sameinast HMS í eina öfluga stofnun (Húsnæðis-, mannvirkja- og skipulagsstofnun) sem ber ábyrgð á ferlinu frá skipulagi til fullbúins mannvirkis ásamt öllu sem tengist manngerðu umhverfi. Með sameiningunni varð til sterkari stofnun með aukna getu til að vinna að þeim spennandi kerfisbreytingum í húsnæðis- og skipulagsmálum sem boðaðar eru í stefnuyfirlýsingu ríkisstjórnarinnar.

Við leitum því að metnaðarfullu og kraftmiklu starfsfólki í teymi umhverfismats til að efla þjónustu okkar við almenning og hagaðila í umhverfismati framkvæmda og áætlana. HMS býður upp á árangursdrifinn vinnustað með skýr markmið, stefnu og gildi sem hjálpa okkur að vinna saman og ná lengra. Þú færð tækifæri til að leggja þitt af mörkum í verkefnum sem skipta sköpum fyrir samfélagið.

Hlutverk teymis umhverfismats er vinna að lögbundinni afgreiðslu, ráðgjöf og upplýsingagjöf á sviði umhverfismats framkvæmda og áætlana.

Helstu verkefni og ábyrgð

Álitsgerð um mat á umhverfisáhrifum framkvæmda, ákvarðanir um matsskyldu framkvæmda og ráðgjöf til framkvæmdaraðila, leyfisveitenda og annarra hagsmunaaðila.
Yfirferð og umsagnir um umhverfismat áætlana
Ýmis verkefni við miðlun, leiðbeiningar og kynningarmál um umhverfismat framkvæmda og áætlana.
Þátttaka í vinnu við þróun leiðbeininga, laga og reglugerða á sviði umhverfismats framkvæmda og áætlana.

Menntunar- og hæfniskröfur

Háskólamenntun sem nýtist í starfi, svo sem á sviði náttúrufræði eða skyldra greina.
Þekking og reynsla af umhverfismati og skipulagsmálum
Þekking og reynsla af starfi innan opinberrar stjórnsýslu er kostur
Góð greiningarfærni, nákvæm og öguð vinnubrögð
Frumkvæði, sjálfstæði og metnaður til að ná árangri í starfi
Góð samskipta- og samstarfshæfni ásamt jákvæðu og lausnamiðuðu viðhorfi
Gott vald á íslensku í ræðu og riti

Um er að ræða fullt starf og æskilegt er að umsækjandi geti hafið störf sem fyrst.

Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Umsóknir geta gilt í sex mánuði frá því að umsóknarfrestur rennur út.

Laun eru samkvæmt gildandi kjarasamningum.

HMS leggur áherslu á fjölbreytni og hvetur alla áhugasama einstaklinga óháð kyni til að sækja um.

Nánari upplýsingar

Ólafur Árnason framkvæmdastjóri, Skipulag og umhverfismat – [email protected]

Elín Dögg Ómarsdóttir, sérfræðingur í mannauðsmálum – elin.omarsdó[email protected]

Auglýsing birt21. júlí 2026

Umsóknarfrestur10. ágúst 2026

Tungumálahæfni