Laus störf Hæfnileit Vinnustaðir Námskeið

Landsnet

Landsnet er þjónustufyrirtæki í eigu þjóðarinnar sem sér um flutning raforku á Íslandi um háspennukerfi landsins. Fyrirtækið tryggir öruggan, stöðugan og skilvirkan flutning rafmagns um landið. Hjá Landsneti starfar kraftmikill hópur fólks með fjölbreyttan bakgrunn og menntun. Boðið er upp á faglegt umhverfi með stórum hópi sérfræðinga og fyrirmyndaraðstöðu. Áhersla er lögð á þjálfun og þróun starfsfólks og jafnvægi einkalífs og vinnu skiptir fyrirtækið miklu máli. Gildi Landsnets eru: Ábyrgð – Samvinna – Virðing.

Vinnustaðurinn

Sérfræðingur í stjórnun flutningskerfis

Framtíðin er rafmögnuð!

Við hjá Landsneti leitum að sérfræðingi í stjórnun flutningskerfis til að ganga til liðs við okkur! Í starfinu tekur þú virkan þátt í stjórnun flutningskerfis raforku Íslands og vinnur náið með öflugu teymi sérfræðinga sem tryggir stöðugan og áreiðanlegan raforkuflutning í rauntíma.

Um starfið

Þú munt, í samstarfi við teymi sérfræðinga, sjá um rauntímastýringu flutningskerfis raforku, stjórnun viðhaldsaðgerða og viðbrögð við truflunum. Um er að ræða vaktavinnu þar sem tryggður er rekstur kerfisins allan sólarhringinn. Við bjóðum upp á fjölbreytt og spennandi verkefni, mikla þjálfun og stuðning við starfsþróun.

Við leitum að einstaklingi sem

Hefur háskólamenntun sem nýtist í starfi, s.s. verkfræði eða tæknifræði
Er lausnamiðaður og góður teymisfélagi.
Er með frumkvæði, skipulagshæfileika og áhuga á raforkukerfum.
Býr yfir góðri hæfni í íslensku og ensku.

Við bjóðum þér

Skemmtilegt vinnuumhverfi með aðstöðu til líkamsræktar, frábæru mötuneyti og margt fleira.
Stöðuga þjálfun og fræðslu til starfsþróunar.
Starf sem skiptir máli fyrir samfélagið!

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar að bætast í hópinn. Sótt er um starfið á landsnet.is.

Öllum umsóknum verður svarað og farið með þær sem trúnaðarmál.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar. Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Auglýsing birt15. janúar 2026

Umsóknarfrestur31. janúar 2026

Tungumálahæfni