Kvika banki hf.

Kvika er öflugur banki sem leggur mikla áherslu á nýsköpun og stafrænt vöruframboð. Á meðal vörumerkja samstæðunnar eru Kvika, Kvika eignastýring, TM, Lykill, Auður, Netgíró, Straumur og Aur. Tilgangur Kviku er að auka samkeppni og einfalda fjármál viðskiptavina með því að nýta innviði og fjárhagslegan styrk. Starfsumhverfið einkennist af samvinnu og liðsheild, með áherslu á frumkvæði starfsfólks og tækifæri til að starfa með fjölbreyttum hópi sérfræðinga með víðtæka reynslu.

Vinnustaðurinn

Sérfræðingur í fyrirtækjaráðgjöf

Fyrirtækjaráðgjöf Kviku veitir fyrirtækjum og fjárfestum sérhæfða ráðgjöf tengda fjárfestingum og fjármögnun til að mynda varðandi kaup og sölu fyrirtækja, fjármögnun verkefna og skráningu verðbréfa.

Við leitum að öflugum, jákvæðum og úrræðagóðum einstaklingi til þess að starfa sem sérfræðingur og greinandi í fyrirtækjaráðgjöf. Viðkomandi þarf að vera metnaðarfullur, hafa mjög góða greiningarhæfni, hæfni í framsetningu gagna, og vilja til að takast á við krefjandi og fjölbreytt verkefni.

Helstu verkefni og ábyrgð

· Virðismöt og gerð virðismatslíkana

· Þátttaka í fjölbreyttum verkefnum á sviði fyrirtækjaráðgjafar

· Gagnavinnsla og greining gagna

· Skýrslugerð og framsetning kynningarefnis

· Samskipti við viðskiptavini og eftirfylgni

Menntunar- og hæfniskröfur

· Háskólamenntun sem nýtist í starfi, t.d. á sviði viðskiptafræði, hagfræði eða verkfræði

· Yfirgripsmikil þekking á helstu verðmatsaðferðum

· Færni við vinnslu og yfirferð áætlana og ársreikninga

· Greiningarhæfni og færni í framsetningu gagna

· Þekking á banka-, fjármála- og/eða fyrirtækjarekstri