Sérfræðingur í framkvæmdaeftirliti

COWI á Íslandi leitar að sérfræðingum í eftirlitsstörf við og á höfuðborgarsvæðinu og á Suðurlandi. Helstu verkefni eru eftirlit með framkvæmdum við jarðvinnu, veitulagnir, vega- og gatnagerð, byggingar og aðra mannvirkjagerð. Við erum að fjölga í byggingarstjórnardeildinni okkar hjá COWI, en í deildinni starfa fjöldi sérfræðinga sem vinna að fjölbreyttum verkefnum fyrir viðskiptavini okkar við eftirlitsstörf, byggingastjórn og verkefnastjórn.

• Daglegt eftirlit með framkvæmdum í samræmi við áætlanir, kröfur, staðla, lög og reglugerðir
• Samskipti við verkkaupa, verktaka og aðra hagsmunaaðila.
• Úttektir og skýrslugerðir vegna eftirlits.
• Skjalaskráning og vistun gagna.
• Þátttaka á verkfundum.

COWI er þekkingarfyrirtæki og byggjum við reksturinn á þekkingu og hæfni fólksins okkar. Til að ná árangri í þessari stöðu leitum við eftir aðila sem kann að greina tækifærin og grípa þau, hefur gaman af því að vinna í skilvirku teymi þvert á deildir og landamæri og er opinn fyrir nýjum áskorunum.

Að auki erum við að leitast eftir:

• Menntun sem nýtist í starfi: tækni- eða iðnfræði, iðnmenntun, verkfræði eða önnur sambærileg menntun.
• Reynsla af verklegum framkvæmdum og eftirlitsstörfum er kostur.
• Reynsla af framkvæmdamælingum er kostur.
• Þekking á íslenskum byggingarreglugerðum og stöðlum er kostur.
• Kostur að hafa byggingarstjóraréttindi.
• Almenn tölvuþekking
• Góð samskiptafærni
• Geta til að vinna sjálfstætt og sýna frumkvæði í starfi
• Íslenskukunnátta í tali og rituðu máli
• Bílpróf

Við bjóðum líka uppá

• Sveigjanlegan vinnutíma og fjarvinnumöguleika í bland við vinnu á starfsstöð
• Öflugt mötuneyti með morgunmat, hádegismat og síðdegishressingu  
• Samgöngu- og líkamsræktarstyrkir
• Starfsmannafélag með fjölbreyttum deildum og viðburðum
• Viðbótargreiðslur í fæðingarorlofi
• Starfsþróunarmöguleikar innan COWI, starfsþróunaráætlanir og rafræn þjálfun hjá COWI Academy
• Árlegt heilsufarsmat