Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Vinnustaðurinn

Sérfræðingur búnaðar í kerskálum

Vilt þú taka virkan þátt í umbótum og þróun búnaðar í kerskálum?

Rio Tinto á Íslandi leitar að öflugum einstaklingi í starf sérfræðings búnaðar í kerskálum sem tilheyrir sviði Rafgreiningar, unnið er í dagvinnu.

Starfið felur í sér virk samskipti við samstarfsfólk í framleiðslu, viðhaldsdeildum og verktöku sem miðar að því að tryggja að daglegur rekstur gangi sem best, veita faglega þekkingu og aðstoð við umbætur og þróun búnaðar í kerskálum.

Í þessu starfi færð þú tækifæri til að takast á við spennandi áskoranir og vinna að lausnum sem stuðla að öruggum og skilvirkum rekstri í kerskálum álversins.

Helstu verkefni og ábyrgð

Dagleg eftirfylgni og eftirlit með búnaði og farartækjum kerskála
Greina bilanir í samvinnu við Aðalverkstæði og Vinnuvélaverkstæði
Samskipti við verkstjóra á vöktum, verktaka, verkstæði og aðrar deildir innan fyrirtækisins
Tímabundin afleysing á störfum leiðtoga í fjarveru hans
Leiða umbætur á búnaði í samvinnu við verktaka og viðhaldsdeildir
Tryggja að öryggis- og umhverfiskröfur séu uppfylltar og fylgt sé verklagsreglum
Hafa umsjón með verktökum: verðviðræður, gæðamat og kostnaðareftirlit
Þátttaka í þróunarverkefnum
Virk þátttaka í margvíslegum verkefnum rafgreiningarteymisins

Menntunar- og hæfniskröfur

Háskólagráða í verkfræði eða tæknifræði er kostur
Þekking á vél- eða rafvirkjun er kostur
Góð almenn tölvufærni
Leiðtogahæfni og geta til að starfa í teymi
Framúrskarandi samskiptahæfni
Frumkvæði og lausnamiðuð hugsun
Góð færni í íslensku og ensku, bæði í rituðu og töluðu máli

Fríðindi í starfi

Frítt fæði í mötuneyti
Heilsustyrkur
Fæðingarorlofsstyrkur allt að 18 vikur á óskertum launum
Velferðartorg
Þátttaka í hlutabréfakaupum
Öflugt þjálfunar- og fræðslustarf

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá Rio Tinto er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um.

Umsóknarfrestur er til og með 13. júlí.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson ([email protected]) hjá Vinnvinn.