Laus störf Hæfnileit Vinnustaðir Námskeið

Sensa ehf.

Sensa er alþjóðlegt þjónustufyrirtæki og starfar þar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Okkur er ekki sama eru einkunnarorð Sensa, okkur er ekki sama um viðskiptavininn eða starfsmenn okkar. Eigandi Sensa er SoftwareOne sem er alþjóðlegt upplýsingatæknifyrirtæki með höfuðstöðvar í Swiss.

Vinnustaðurinn

Sérfræðingur á mannauðssviði

Sensa leitar að reynslumiklum og öflugum mannauðsráðgjafa sem vill hafa áhrif, taka ábyrgð og hjálpa okkur að byggja upp enn betri vinnustað.

Við leitum að einstaklingi sem er sjálfstæður í vinnubrögðum, hefur sterka faglega dómgreind og getur stutt stjórnendur og starfsfólk af öryggi í daglegum mannauðsmálum.

Sensa er alþjóðlegt 120 manna þjónustufyrirtæki sem sérhæfir sig í upplýsingatækni á fyrirtækjamarkaði.

Við erum öflugt teymi sérfræðinga sem styðjum hvert annað og vinnum saman. Við leggjum mikla áherslu á góðan starfsanda, sveigjanleika og að starfsfólk hafi svigrúm til að þróast í starfi.

Helstu verkefni og ábyrgð

Umsjón með ráðningum og móttöku nýs starfsfólks
Túlkun og eftirfylgni með kjarasamningum, vinnulöggjöf og réttindum starfsfólks
Þátttaka í þróun og umbótum á mannauðsferlum og starfsumhverfi
Stuðningur við frammistöðu-, þróunar- og fræðslumál
Ráðgjöf og stuðningur við stjórnendur í mannauðsmálum
Úrvinnsla og eftirfylgni ýmissa starfsmannamála
Þátttaka í verkefnum sem styðja við menningu, vellíðan og árangur starfsfólks
Önnur tilfallandi verkefni

Menntunar- og hæfniskröfur

Háskólamenntun sem nýtist í starfi
Starfsreynsla á sviði mannauðsmála
Góð þekking á vinnurétti, kjarasamningum og réttindum starfsfólks
Sjálfstæði, frumkvæði og fagleg dómgreind
Drifkraftur, skipulagshæfni og geta til að ljúka verkefnum
Framúrskarandi samskiptafærni og sterk þjónustulund
Fagmennska, sterk ábyrgðarkennd og trúnaður í starfi
Reynsla af launavinnslu er kostur, en ekki skilyrði
Mjög gott vald á íslensku og ensku í ræðu og riti

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími

Umsóknarfrestur er til og með 28. júní nk. en byrjað verður að vinna úr umsóknum jafnóðum og þær berast.
Gerð er krafa um að umsækjendur hafi hreint sakavottorð og við hvetjum öll til að sækja um, óháð kyni.

Eingöngu er tekið á móti umsóknum í gegnum umsóknakerfi Alfreðs.

Auglýsing birt18. júní 2026

Umsóknarfrestur28. júní 2026

Tungumálahæfni