Laus störf Hæfnileit Vinnustaðir Námskeið

Air Atlanta Icelandic

Air Atlanta var stofnað árið 1986 og hefur verið í rekstri allar götur síðan. Félagið rekur fjórtán breiðþotur af gerðinni Boeing 747-400. Höfuðstöðvar félagsins eru staðsettar á Íslandi en flugrekstur á sér stað víða um heiminn. Félagið sérhæfir sig í leigu á flugvélum ásamt áhöfnum til annara flugfélaga og gætir þess að flugleiðir viðskiptavina okkar séu starfræktar á öruggan og hagkvæman hátt.

Vinnustaðurinn

Reliability & Safety Analyst

Air Atlanta leitar að öflugum aðila til að ganga til liðs við verkfræðideild félagsins í starf Reliability & Safety Analyst og taka þátt í áframhaldandi uppbyggingu deildarinnar.

Í verkfræðideildinni starfar samheldinn hópur sem sinnir eftirliti með viðhaldi, áreiðanleika og lofthæfi flugvélaflotans í samráði við flugvélaframleiðendur og aðra samstarfsaðila. Í dag er Air Atlanta með Boeing 747-400 og Boeing 777-200/300 í rekstri.

Helstu verkefni og ábyrgð

Þróun og viðhald áreiðanleikaáætlana (Reliability Programs) fyrir flugvélaflota félagsins
Gerð og greining mánaðarlegra áreiðanleikaskýrslna
Eftirlit og eftirfylgni með endurteknum viðhaldsatriðum og frávikum
Greining gagna og eftirfylgni með viðvörunum og frávikum sem koma fram í áreiðanleikakerfi
Undirbúningur, boðun og umsjón mánaðarlegra áreiðanleikafunda
Söfnun og miðlun tæknilegra gagna vegna öryggiseftirlits og Safety Review Board funda
Samræming og eftirfylgni vegna tæknilegra atvikaskýrslna (occurrence reports)
Yfirferð áhættumats og mat á þörf fyrir mótvægisaðgerðir vegna tæknilegra atvika
Eftirfylgni með innleiðingu mótvægisaðgerða og úrlausn tæknilegra atvika
Náið samstarf við Safety & Compliance deild félagsins
Önnur verkefni samkvæmt ákvörðun Manager Engineering

Menntunar- og hæfniskröfur

Menntun eða starfsreynsla á sviði flugvirkjunar, verkfræði eða sambærilegur tæknilegur bakgrunnur
Reynsla af verkfræði-, viðhalds- eða skipulagsstörfum (engineering/planning) innan flugrekstrar er kostur
Þekking og hæfni til að túlka viðhaldskröfur og yfirfæra þær á viðhaldsverkefni
Góð þekking á EASA Part-M, sérstaklega M.A.301 og M.A.302 er kostur
Góður skilningur á hættugreiningu, áhættumati og áhættuminnkandi aðgerðum
Mjög góð enskukunnátta
Góð tölvukunnátta og færni í meðhöndlun og greiningu gagna
Nákvæm og öguð vinnubrögð, frumkvæði og sjálfstæði í starfi
Sterk öryggisvitund og góð samskipta- og samstarfshæfni

Hvað býður starfið upp á?

Starfið býður upp á tækifæri til að taka virkan þátt í áframhaldandi uppbyggingu verkfræðideildar Air Atlanta Icelandic og vinna að verkefnum sem hafa bein áhrif á áreiðanleika og öryggi flugrekstrar félagsins.

Í því felas meðal annars tækifæri til að:

Vinna náið með Boeing 747 og Boeing 777 flugflota
Starfa í alþjóðlegu og tæknilega krefjandi flugrekstrarumhverfi
Vinna með fjölbreytt gögn og umbreyta þeim í greiningar og aðgerðir sem styðja við ákvarðanatöku
Hafa raunveruleg áhrif á þróun verklags, áreiðanleika og öryggi flugflotans
Þróast faglega samhliða áframhaldandi uppbyggingu verkfræðideildarinnar

Um Air Atlanta Icelandic:

Flugfélagið býður upp á sérsniðnar lausnir á sviði flugrekstrar bæði á farþega- og fraktmarkaði. Félagið hefur verið starfrækt frá 1986 og stendur á sterkum grunni. Höfuðstöðvar félagsins eru í Kópavogi þar sem starfa rúmlega 100 manns, en flugstarfsemi fer fram víða um heim.

Við leitum að öflugum einstaklingi sem vill ganga til liðs við sterka liðsheild og taka þátt í að tryggja áframhaldandi áreiðanleika, öryggi og fagleg vinnubrögð í flugrekstri Air Atlanta Icelandic.

Auglýsing birt18. ágúst 2026

Umsóknarfrestur30. ágúst 2026

Tungumálahæfni