Rekstrar- og þjónustuleiðtogi

Við leitum að öflugum og lausnamiðuðum einstaklingi sem vill taka ábyrgð á daglegum rekstri Eignaleigunnar á Suðurlandi og höfuðborgarsvæðinu.

Starfið hentar einstaklingi sem hefur gaman af fjölbreyttum verkefnum, tekur frumkvæði og vill hafa raunveruleg áhrif á rekstur og áframhaldandi uppbyggingu fyrirtækisins.

Helstu verkefni

• Umsjón með daglegum rekstri og verkefnastjórnun
• Umsjón með langtímaleigueignum og samskiptum við eigendur og leigjendur
• Samskipti við viðskiptavini, gesti og verktaka
• Gæðaeftirlit og eftirfylgni með þrifum, þvottahúsi og þjónustu
• Skipulag og stuðningur við starfsfólk
• Minniháttar viðhald fasteigna og innkaup þegar þarf
• Að taka virkan þátt í daglegum störfum þegar þörf krefur

Við leitum að einstaklingi sem hefur áhuga á að taka þátt í áframhaldandi þróun fyrirtækisins. Reynsla innan ferðaþjónustu, fasteignaþjónustu eða hótelreksturs eru kostur.

Þetta er ekki hefðbundið skrifstofustarf. Við leitum að einstaklingi sem leiðir með fordæmi og er tilbúinn að taka til hendinni þegar aðstæður kalla á það.

Æskilegt er að umsækjendur búi á Suðurlandi þar sem starfstöðin er á Selfossi