atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur sjö gagnaver á Norðurlöndum. Á árinu 2024 verða tvö ný gagnver tekin í notkun í Finnlandi og Danmörku. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

RAFVIRKI / RAFMANGSSÉRFRÆÐINGUR

atNorth heldur áfram að stækka starfsemi sína á Akureyri og leitar að kraftmiklum reynslubolta í starf í rafvirkja/rafmagnssérfæðings.

Þetta starf er ráðning til framtíðar og fullt stöðugildi. Starfið hentar öllum kynjum.

Helstu verkefni og ábyrgð

Ábyrgð og stýring á rafmagnskerfum og búnaði
Tæknileg sérfræðiaðstoð við framkvæmdir, breytingar og daglegan rekstur gagnaversins
Þátttaka í þróun og innleiðingu öryggisáætlana og gæðaeftirlits
Ábyrgð á skipulagi viðhalds og bilanagreininga
Framkvæmd og stuðningur við fyrirbyggjandi viðhald, viðgerðir, uppsetningu og gangsetningu rafmagnskerfa
Tryggja að vinnuumhverfi og verklag séu í samræmi við öryggis- og gæðastaðla
Þátttaka í skýrslu- og ætlanagerð
Leiða umbótaverkefni og stöðuga þróun ásamt því að þjálfa og leiðbeina starfsfólki
Þjónusta og samskipti við viðskiptavini
Önnur verkefni í samráði við stjórnendur og samstarfsfólk

Menntunar- og hæfniskröfur

Menntun í rafvirkjun, önnur tengd framhaldsmenntun kostur
Þekking og reynsla af lágspennu
Víðtæk þekking á virkni rafkerfa og búnaðar
Góð samskiptahæfni og geta til að vinna þvert á teymi
Sjálfstæð skipulögð vinnubrögð og frumkvæði
Umbótahugarfar, örygggisvitund og þjónustulund
Góð kunnátta í ensku, bæði skrifleg og töluð
Hreint sakavottorð

Fríðindi í starfi

Helstu kostir þess að vinna hjá atNorth eru

Við tryggjum að þú fáir viðeigandi þjálfun, símenntun og aðgang að þekkingu varðandi rekstur gagnavera
Heilsumiðað hugarfar með markmið um jafnvægi starfs og einkalífs
Íþróttastyrkur til rækta líkama og sál
Skemmtinefnd sem heldur stuðinu gangandi
Veitingaþjónusta send á vinnustaðinn
Fjarskiptapakki og símastyrkur
Alþjóðlegur vinnustaður með fjölmenningu
Tækifæri til þess að ferðast og kynnast öðrum gagnaverum okkar á Norðurlöndunum