Hallormsstaðaskóli

Hallormsstaðaskóli er staðsettur í hjarta Hallormsstaðaskógar og hefur verið starfræktur frá árinu 1930. Frá stofnun hefur verið starfrækt fræðslu- og menningarsetur á Hallormsstað. Kennsla við skólann hefur ávallt einkennst af sjálfbærnihugsjónum, hagnýt handverksþekking verið ofin saman við siðferði náttúrunytja, vísindi, staðbundin hráefni og næmni fyrir samtíma, samfélagi, menningu, sögu. Nú í samatarfi við Háskóla Íslands er boðið upp á fyrsta staðbundna námið á háskólastigi á Austurlandi í skapandi sjálfbærni. Þegar árstíðirnar kenna Skapandi sjálfbærni er eins árs, 60 ECTS eininga grunndiplóma á Menntavísindasviði HÍ. Náttúran sjálf gegnir lykilhlutverki í náminu sem sameinar fræðilega þekkingu og verklega færni með áherslu á skapandi nálgun, sjálfbærni og tengingu við samfélag, sögu staðarins og umhverfi. Kennslan skiptist í sex námskeið sem kennd eru í fimm vikna lotum og þróast í takt við árstíðirnar – haustið hefst með söfnun og vinnslu, veturinn dregur fram handverkið og rætur sjálfbærni og vorið leiðir í ljós lausnamiðaða hugsun og skapandi úrvinnslu. Einnig er möguleiki að taka námið sem aukagrein með öðrum námsleiðum sem opnar möguleika fyrir þá sem vilja tengja sálfbærni og skapandi vinnu við eigið fag- eða áhugasvið. Boðið er upp á fjölbreytt opin námskeið og viðburði allt árið um kring. Lögð er áhersla á að skapa vettvang fyrir fræðslu, samveru og sköpun í tengslum við náttúru, menningu og sjálfbærni. Einnig er markvisst unnið að því að styðja við rannsóknir og þróunarverkefni sem tengjast skapandi sjálfbærni og nærsamfélaginu, með það að markmiði að efla þekkingu og nýsköpun á svæðinu.

Vinnustaðurinn

Ráðsmaður

Hallormsstaðaskóli leitar að metnaðarfullum og áhugasömum einstaklingi til að sinna starfi ráðsmanns. Starfið felur í sér skipulag, yfirsýn og ábyrgð á aðstöðu, matvælum og rekstri á vottuðu eldhúsi skólans. Ráðsmaður starfar náið með forstöðumanni og leggur sitt af mörkum til að tryggja gæði og fagmennsku í öllu starfi stofnunarinnar, með áherslu á gestrisni, þjónustulund og virðingu fyrir sögu og umhverfi sem leiðarljós í daglegri starfsemi.

Um stofnunina: Skólinn er staðsettur í hjarta Hallormsstaðaskógar á Austurlandi, um 27 km frá Egilsstöðum. Með 95 ára sögu sem fræðslu- og menningarsetur hefur skólinn lagt áherslu á tengsl við náttúru, menningu og sögu í einstöku umhverfi. Í samstarfi við Háskóla Íslands er boðið upp á heilsárs grunndiplómu í skapandi sjálfbærni. Sjá nánar á https://hi.is/hallormsstadur

Helstu verkefni og ábyrgð

Ábyrgð á rekstri vottaðs eldhúss, gæðastjórnun HACCP, innkaup, eldamennsku og þrifum.
Ábyrgð á meðferð og geymslu matvæla, frágangi afurða.
Umsjón með húseign, lóð, sorpgeymslu og matjurtagörðum.
Umsjón, skipulag og eftirlit með þrifum og þvotti sem nauðsynleg eru fyrir daglegan rekstur húsnæðis.
Þjálfun og leiðsögn við notkun vottaðs eldhúss.
Stuðla að sjálfbærni í rekstri, þar á meðal nýtingu staðbundinna hráefna.

Menntunar- og hæfniskröfur

Menntun; háskólamenntun, iðn- eða starfsmenntun og reynsla sem nýtist í starfi.
Hæfni til að stýra verkefnum, skipuleggja og vinna á lausnamiðaðan hátt.
Reynsla af sjálfbærum lifnaðarháttum og/eða þekking á nýtingarmöguleikum staðbundinna hráefna er kostur.
Góð samskiptahæfni, sjálfstæði og frumkvæði til að skapa sjálfbært og skapandi vinnuumhverfi.

Kostur ef viðkomandi býr yfir eða hefur þekkingu á:

Nýtingarmöguleikum hráefna og vannýttra auðlinda.
Reynslu af leiðsögn eða kennslu hópa.
Kunnátta í notkun fjölbreyttra tækja og tóla er tengjast tilraunaeldhúsi.
Sjálfbærum lifnaðarháttum í heimi ofnotkunar og þekkingu á náttúrulegum efnum í stað skaðlegra.

Umsóknir: Umsækjandi þarf að veita heimild til aðgangs að sakavottorði.

Umsóknir skulu innihalda: