Ráðgjafi í barnavernd
Velferðarsvið Mosfellsbæjar leitar að metnaðarfullum ráðgjafa í barnavernd
Helstu verkefni eru meðferð og vinnsla barnaverndarmála og eftirfylgd þeirra auk þess að ganga bakvaktir í málum er varða barnavernd. Áhersla er á gott samstarf við lykil samstarfsaðila barnaverndar og að viðkomandi vinni að nýjungum og uppbyggingu í metnaðarfullu barnaverndarstarfi í Mosfellsbæ. Ráðgjafi í barnavernd tekur þátt í starfi í þágu farsældar barna, sem málstjóri farsældar þegar það á við, sem og starfar að aðgerðaráætlun Mosfellsbæjar Börnin okkar.
Ráðgjafi sinnir bakvöktum í barnavernd.
Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.
Starfið felur í sér alla almenna vinnslu barnaverndarmála, svo sem könnun og utanumhald um meðferð máls, fósturmál, vistanir, bakvaktir og fleira.
Háskólamenntun sem nýtist í starfi við barnavernd er skilyrði. Starfsréttindi eða meistarapróf í félagsráðgjöf er kostur umfram aðra háskólamenntun
Þekking á og reynsla af starfi við barnavernd er skilyrði
Framúrskarandi hæfni í mannlegum samskiptum, sjálfstæði, samviskusemi og nákvæmni í vinnubrögðum er skilyrði
Geta til að vinna undir álagi er skilyrði
Hæfni til að tjá sig í ræðu og riti á íslensku og ensku er skilyrði
Íslenska
Enska
