Pípari

Við leitum að öflugum og lausnamiðuðum pípara til starfa í framkvæmdaþjónustu Norðurorku.

Starfið felur í sér rekstur, viðhald og nýlagnir í veitukerfum ásamt viðbrögðum við bilunum og þjónustubeiðnum á vettvangi. Norðurorka þjónustar heimili og atvinnulíf með vinnslu og dreifingu á heitu vatni og neysluvatni, dreifingu á raforku og rekstri fráveitu. Lögð er áhersla á fagmennsku, öryggi og góða þjónustulund í samskiptum við viðskiptavini og samstarfsfólk. Við bjóðum upp á fjölbreytt og krefjandi starf í öflugu starfsumhverfi þar sem samvinna og traust eru í fyrirrúmi.

Starfið er á framkvæmdasviði og næsti yfirmaður er verkstjóri framkvæmdaþjónustu.