Laus störf Hæfnileit Vinnustaðir Námskeið

Origo ehf.

Forskot á framtíðina. Tilgangur Origo er að skapa öruggt forskot með tækni og hugviti. Hjá Origo starfar öflugur hópur fólks með sérþekkingu sem gerir okkur kleift að veita viðskiptavinum okkar ráðgjöf og þjónustu til að ná árangri í sinni starfsemi. Við snertum með starfsemi okkar marga mismunandi þætti samfélagsins, fyrirtæki og stofnanir. Við bjóðum upp á öflugt lausnaframboð, allt frá stafrænni umbreytingu, kerfisrekstri og þjónustu í upplýsingaöryggi og viðskiptalausnum. Við bjóðum enn fremur upp á sérhæfðara lausnaframboð fyrir mannauðsdeildir og orkugeirann. Við tengjum saman fólk, hugmyndir og tækni til að færa samfélagið áfram. Það er stefna Origo að vera fyrsta val hjá einstaklingum sem trúa því að betri tækni bæti lífið. Við kunnum að meta einlægni, forvitni og lausnarmiðað hugarfar í bland við alls konar tæknifærni. Við byggjum á liðsheild og leggjum áherslu á að ýta undir styrkleika hvors annars og þróast áfram. Saman breytum við leiknum! 

Vinnustaðurinn

Origo leitar að reynsluboltum í Business Central

Business Central ráðgjafi

Það er mikið um að vera hjá Origo og spennandi tímar framundan. Nú leitum við að reynslumiklum ráðgjöfum á sviði Business Central til að bætast í hóp sérfræðinga BC teymis Origo. Sem Business Central ráðgjafi hálpar þú viðskiptavinum Origo að ná árangri, fá betri yfirsýn og ná markmiðum sínum hraðar.

Helstu verkefni og ábyrgð

Leiða innleiðingar á Business Central, á réttum tíma og í takt við þarfir viðskiptavina.
Greina þarfir viðskiptavina og veita ráðgjöf um árangursríka notkun.
Tryggja góða upplifun notenda með prófunum, þjálfun og námskeiðum.
Fylgjast með, tileinka sér og hjálpa viðskiptavinum að nýta nýjungar í Business Central, með sérstakri áherslu á gervigreindarlausnina Bifröst sem Origo hefur byggt ofan á BC.
Góð samskipti við viðskiptavini og viðhald viðskiptasambanda.

Menntunar- og hæfniskröfur

Reynsla af ráðgjöf í fjárhagskerfum og bókhaldi nauðsynleg.
Mikil reynsla af Business Central: innleiðingum, uppsetningu og sérlausnum.
Góð þekking á viðskiptaferlum og hvernig má bæta þá með notkun á BC.
Framúrskarandi samskiptahæfni og frumkvæði.
B.Sc. gráðu í viðskiptafræði, verkfræði eða sambærilegu æskileg.
Vottun í Dynamics 365 Business Central eða tengdri tækni er mikill kostur.

Fríðindi í starfi

Framúrskrandi vinnuaðstaða í nýjum, glæsilegum höfuðstöðvum að Dalvegi 30A eða, eftir atvikum, í samvinnurýmum á landsbyggðinni.
Sveigjanlegt, fjölskylduvænt vinnuumhverfi.
Spennandi verkefni og tækifæri til vaxtar.
Stöðug þróun þekkingar.
Veglegur velferðarpakki.
Aðgengi að líkamsrækt og hvíldarherbergi á vinnustaðnum.
Hollur og góður matur í niðurgreiddri mataráskrift og hressing yfir daginn.
Samgöngustyrkur.
Niðurgreitt internet, farsími og símtækjastyrkur.
Kostur á að sækja um í Menntasjóðinn Fremri.
Öflugt starfsmannafélag, klúbbastarf og frábærir samstarfsfélagar.

Um Origo

Origo er þjónustu- og þekkingarfyrirtæki sem vinnur með fyrirtækjum að því að ná forskoti í breyttum heimi þar sem tæknin skiptir öllu máli. Hjá Origo starfa um 200 sérfræðingar með yfirburðaþekkingu á stafrænum lausnum sem vinna að því alla daga að hjálpa viðskiptavinum að ná sínum markmiðum.

Hjá Origo leggjum við áherslu á að bjóða starfsfólki upp á framúrskarandi vinnuumhverfi, áhugaverð verkefni og tækifæri til að halda áfram að þróa þekkingu sína. Þannig styðjum við starfsfólk okkar til vaxtar og tryggjum um leið bestu, mögulegu þjónustuna til okkar viðskiptavina.

Næstu skref

Ef þú vilt slást í hópinn, endilega sendu okkur umsókn í gegnum ráðningavefinn.

Allar umsóknir og fyrirspurnir verða meðhöndlaðar sem trúnaðarmál og þeim svarað.

Umsóknarfrestur er til og með 26. október 2026.

Nánari upplýsingar veita Kristín Gestsdóttir, mannauðsstjóri, [email protected] og Arnþór Ingi Hinriksson, forstöðumaður Azure cloud & Business solutions, [email protected].

Auglýsing birt13. október 2026

Umsóknarfrestur26. október 2026

Tungumálahæfni