Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Öryggis- og jöklasérfræðingur

Náttúruverndarstofnun óskar eftir sérfræðingi með reynslu og þekkingu á jökla- og íshellaferðum til að sinna faglegri umsjón með eftirliti með atvinnustarfsemi við jökla og samskiptum við hagsmunaaðila á suðursvæði Vatnajökulsþjóðgarðs þar sem áhersla er lögð á öryggismál. Starfið felur í sér ráðgjöf um atvinnustarfsemi á jöklum, auk þátttöku í stefnumótun og faglegu mati á verkefnum tengdum ferðamennsku á og við jökla.

Sérfræðingurinn er hluti af samhentu teymi á suðursvæði Vatnajökulsþjóðgarðs. Næsti yfirmaður er þjóðgarðsvörður á svæðinu. Um er að ræða fjölbreytt og ábyrgðarmikið starf í 100% starfshlutfalli, með starfsstöð á Höfn eða Skaftafelli.

Helstu verkefni og ábyrgð

Ábyrgð á jökla- og íshellaeftirliti.
Skipulag eftirlits, útfærsla og eftirfylgni með atvikaskýrslum.
Samskipti við hagsmunaaðila á suðursvæði Vatnajökulsþjóðgarðs.
Þátttaka í útfærslu samninga vegna atvinnustarfsemi í íshellaferðum og jöklagöngum.
Þjálfun starfsfólks fyrir jökla- og íshellaeftirlit.
Ráðgjöf um áhrifamat og álit vegna umsókna um rannsóknir, kvikmyndaverkefni og framkvæmdir á jökli í samráði við þjóðgarðsverði og fagráð.
Almenn ráðgjöf og fræðsla um jökla.

Menntunar- og hæfniskröfur

Góð samstarfs- og samskiptafærni.
Sjálfstæði í vinnubrögðum og geta til að skipuleggja störf og fylgja málum eftir.
Þjálfun í fjalla- og jöklaleiðsögn sbr. skilgreiningu Félags íslenskra fjallaleiðsögumanna um:
- Jöklaleiðsögn 3
- Fjallaleiðsögn 1
- Íshellaleiðsögn 1 er kostur
Þekking á öryggismálum.
Að minnsta kosti þriggja ára samfelld starfsreynsla á jökli æskileg.
Starfsreynsla sem fullnuma jöklaleiðsögumaður sbr. skilgreiningu Félags íslenskra fjallaleiðsögumanna er kostur.
Háskólanám sem nýtist í starfi er kostur.
Landvarðaréttindi eru kostur.