Laus störf Hæfnileit Vinnustaðir Námskeið

Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Nýdoktor í hafeðlisfræði

Hafrannsóknastofnun leitar að nýdoktor í hafeðlisfræði í fullt starf á Umhverfissvið Hafrannsóknastofnunar. Verkefnið felst í því að vinna úr langtímamælingum með straumlögnum og beinum haffræðilegum athugunum til þess að varpa ljósi á breytileika í umhverfisástandi sjávar og yfirflæðis í Grænlandssundi (Denmark Strait Overflow) sem er mikilvægur hluti veltihringrásarinnar í Atlantshafi (Atlantic Meridional Overturning Circulation, AMOC). Staðan er fjármögnuð til 20 mánaða en verða til skoðunar möguleikar á framlengingu á verkefnatímanum.

Umsækjandi mun starfa náið með sérfræðingateymi sem vinnur að fjölbreyttum verkefnum á sviði hafeðlisfræði, auk þess að starfa náið með innlendum og alþjóðlegum samstarfsaðilum hjá Háskóla Íslands, Dönsku veðurststofunni (Danmarks Meteorologiske Institut) og Háskólanum í Hamborg (Universität Hamburg).

Starfið er einnig auglýst á vefsvæði Research Gate, POSTDOCTORAL FELLOW IN PHYSICAL OCEANOGRAPHY at Marine and Freshwater Research Institute in Hafnarfjörður, ICELAND

Helstu verkefni og ábyrgð

Uppfæra og greina tímaraðir frá straummælingalögnum í Grænlandssundi.
Tengja niðurstöður við mælingar á ástandi sjávar, endurmetin gögn (reanalysis) og gögn frá loftslagslíkönum.
Þátttaka í rannsóknarleiðangri á Grænlandssundi.
Þátttaka í alþjóðlegum ráðstefnum.
Vinna í samstarfi við haffræðiteymi Hafrannsóknastofnunar og alþjóðlega samstarfsaðila.
Rannsóknarheimsókn til samstarfsaðila hjá Dönsku veðurstofunni.
Skrifa og birta vísindagrein um breytingar á umhverfisástandi sjávar og yfirflæðisins í Grænlandssundi.

Menntunar- og hæfniskröfur

Doktorsgráða í hafeðlisfræði eða skyldum greinum.
Reynsla og hæfni í forritun í Matlab og/eða Python.
Reynsla af greiningu á haffræðilegum gögnum, sem og líkanagögnum.
Fyrri birtingar í ritrýndum vísindatímaritum.
Metnaður, frumkvæði og sjálfstæði í vinnubrögðum.
Góðir skipulags- og samskiptahæfileikar.
Jákvætt viðmót, samstarfsvilji og hæfni til að vinna í teymi.
Góð enskukunnátta í töluðu og rituðu máli.

Fríðindi í starfi

Aðgangur að mötuneyti
Samgöngustyrkur
Líkamsræktarstyrkur
Góð starfsaðstaða

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókninni skal fylgja:

Ítarleg ferilskrá
Afrit af prófskírteinum (doktorspróf og/eða annað)
Kynningarbréf þar sem fram kemur bakgrunnur umsækjenda og ástæða þess að sótt er um starfið.
Nöfn tveggja meðmælenda ásamt samskiptaupplýsingum þeirra

Athugið:

Ófullnægjandi umsóknir eru ekki teknar til greina.
Hafrannsóknarstofnun áskilur sér rétt til að hafna öllum umsóknum.
Umsókn getur gilt í sex mánuði eftir að umsóknarfresti lýkur.
Öllum umsóknum verður svarað þegar ákvörðun um ráðningu liggur fyrir.

Við ráðningu í störf við Hafrannsóknastofnun er tekið mið af jafnréttisstefnu Hafrannsóknastofnunar.

Sótt er um í gegnum starfatorg einnig er hægt að senda umsóknir á [email protected]

Um stofnunina

Hafrannsóknastofnun, rannsókna- og ráðgjafarstofnun hafs og vatna, heyrir undir Atvinnuvegaráðuneytið og er stærsta rannsóknastofnun landsins á sviði hafs- og vatnarannsókna. Stofnunin gegnir auk þess ráðgjafahlutverki um sjálfbæra nýtingu og verndun auðlinda hafs og vatna. Starfsemin felst einkum í fjölbreyttum rannsóknum og ráðgjafastarfi sem oft felur í sér innlent og alþjóðlegt samstarf við háskóla eða aðrar rannsóknastofnanir.. Stofnunin rekur auk höfuðstöðvar í Hafnarfirði starfsstöðvar vítt og breytt um landið, tilraunaeldisstöð og tvö rannsóknaskip. Hjá stofnuninni starfa að jafnaði um 200 manns í fjölbreyttum störfum.

Gildi Hafrannsóknastofnunar eru: Þekking - Samvinna - Þor

Starfshlutfall er 100%

Umsóknarfrestur er til og með 13.02.2026

Nánari upplýsingar veitir

Hrönn Egilsdóttir

Tölvupóstur: [email protected]

Sími: 6956705

Andreas Macrander

Tölvupóstur: [email protected]

Auglýsing birt15. janúar 2026

Umsóknarfrestur14. febrúar 2026

Tungumálahæfni