NPA aðstoðamaður óskast í 50% dagvinnustarf.

Viltu koma í NPA aðstoðarvinahópinn minn? Ég er 25 ára jákvæður og lífsglaður strákur sem leitar að ábyrgðarfullum og traustum einstaklingi til að bætast í minn frábæra NPA aðstoðarvinahóp.

Um er að ræða 50% starf á dagvöktum og annan hvern laugardag. Einnig stendur til boða viðbótarvaktir um kvöld eða helgar og/eða tilfallandi aðstoð á ferðalögum innan lands-og utan, allt skv. nánara samkomulagi.

Ég er í hjólastól og þarfnast aðstoðar við verkefni daglegs lífs - allt frá heimilisverkum og persónulegri umönnun yfir í skemmtilegar og fjölbreyttar athafnir utan heimilis.

Um mig:

Ég er félagslyndur og lífsglaður og hef fjölbreytt áhugamál. Ég nýt þess að fara á tónleika, í leikhús og bíó, út að borða, ferðast innanlands og erlendis - og slaka á heima í góðum félagsskap.

Ég leita að aðstoðarmanni sem:

• Er skipulagður, sjálfstæður og hlýr í samskiptum
• Er með bílpróf
• Talar íslensku
• Er með hreint sakavottorð
• Hefur skilning á og virðingu fyrir hugmyndafræði notendastýrðrar persónulegrar aðstoðar (NPA) sem byggir á sjálfstæðu lífi - sjá nánar á npa.is