Laus störf Hæfnileit Vinnustaðir Námskeið

Skóla- og velferðarþjónusta Árnesþings

Skóla- og velferðarþjónusta Árnesþings er fagleg og samþætt skóla- og velferðarþjónusta með farsæld barna og fjölskyldna að leiðarljósi. Meginstarfsstöð þjónustunnar er í Laugarási en starfssvæðið er víðfeðmt og geta starfsmenn valið starfsstöð á starfssvæðinu í samræmi við verkefni hverju sinni. Á starfssvæðinu eru um 4200 íbúar, þar af 650 börn á leik- og grunnskólaaldri sem sækja nám í 10 leik-og grunnskólum. Tveir þeirra eru samreknir leik- og grunnskólar. Sveitarfélögin sem standa að Skóla- og velferðarþjónustunni eru Bláskógabyggð, Flóahreppur, Grímsnes- og Grafningshreppur, Hrunamannahreppur og Skeiða- og Gnúpverjahreppur og hafa þau flest hlotið viðurkenningu BSRB sem framúrskarandi vinnustaðir.

Vinnustaðurinn

Náms- og starfsráðgjafi

Staða náms- og starfsráðgjafa hjá Skóla- og velferðarþjónustu Árnesþings er laus til umsóknar.

Á þjónsutusvæði Skóla- og velferðarþjónustu Árnesþings eru starfræktir 6 grunnskólar með samanlagt rúmlega 450 nemendur. Miðað er við að tveir náms- og starfsráðgjafar skipti með sér störfum í þessum skólum. Leitað er eftir metnaðarfullum einstaklingi sem er tilbúinn að taka þátt í þverfaglegu samstarfi, er tilbúinn að starfa í fleiri en einum grunnskóla og þróa og laga starfið að þeim aðstæðum. Ráðið verður í stöðuna frá og með 1. ágúst 2026 eða eftir samkomulagi.

Helstu verkefni og ábyrgð

Náms- og starfsráðgjafi sinnir fjölbreyttu starfi í samvinnu við skólaþjónustu, skólastjórn-endur og annað starfsfólk skólanna. Meðal verkefna er að skipuleggja náms- og starfs-fræðslu, veita upplýsingar um nám og störf, leiðbeina nemendum um vinnubrögð í námi, veita nemendum persónulega ráðgjöf, sinna forvarnarstarfi, vinna í eineltismálum, veita foreldrum ráðgjöf, undirbúa flutning nemenda milli skólastiga o.fl.

Menntunar- og hæfniskröfur

· Menntun í náms- og starfsráðgjöf með tilheyrandi starfsréttindum

· Reynsla af náms- og starfsráðgjöf í grunnskóla er kostur

· Þekking og reynsla af ráðgjöf og stuðning við nemendur með fjölbreyttar þarfir

· Hæfni í mannlegum samskiptum, sveigjanleiki og samstarfsvilji

· Þekking og reynsla af forvarnarstarfi

· Skipulagshæfni, sjálfstæði og frumkvæði í starfi

· Góð hæfni til að tjá sig í ræðu og riti

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu. Laun og starfskjör eru samkvæmt kjarasamningi Sambands Íslenskra sveitarfélaga og FG. Umsóknarfrestur er til 4. maí n.k.

Nánari upplýsingar veitir Gunnlaug Hartmannsdóttir deildarstjóri skólaþjónustu í síma 4801180.

Auglýsing birt16. apríl 2026

Umsóknarfrestur6. maí 2026

Tungumálahæfni