Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Myllubakkaskóli- Sérkennari / íslenska sem annað mál kennari

Starfssvið: Sérkennsla / kennsla íslensku sem annað mál í námsveri á unglingastigi
Myllubakkaskóli leitar að metnaðarfullum og áhugasömum kennara með þekkingu og reynslu af skólastarfi. Í Myllubakkaskóla eru um 350 nemendur og 70 starfsmenn. Einkunnarorð skólans eru: Virðing - Ábyrgð - Jafnrétti - Árangur
Í skólanum er meðal annars lögð áhersla á jöfn tækifæri til náms, heilbrigði, vellíðan og metnað í því sem við tökum okkur fyrir hendur.
Ráðning er frá 1. ágúst 2025. Um er að ræða 80 - 100% starf og laun og starfskjör fara eftir kjarasamningi Sambands íslenskra sveitarfélaga og KÍ vegna FG.
Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Sérkennsla í öllum bóklegum greinum.
Umsjón með nemendum og foreldrasamstarf ásamt faglegri vinnu í skóla.
Utanumhald og skipulagning teymisfunda með foreldrum og öðrum kennurum.

Menntunar- og hæfniskröfur

Leyfi til að nota starfsheitið kennari.
Reynsla af kennslu í grunnskóla.
Góð íslenskukunnátta.
Færni í að vinna í teymum og að fjölbreyttum verkefnum.
Faglegur metnaður og ánægja af starfi með börnum.
Lipurð í samskiptum, sveigjanleiki og samstarfshæfni.
Frumkvæði og skipulögð vinnubrögð.
Jákvæðni gagnvart skólaþróun.

Hlunnindi

Bókasafnskort.
Gjaldfrjáls aðgangur að menningarhúsum.
Gjaldfrjáls aðgangur í sund.
Gjaldfrjáls aðgangur í strætó.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Sótt er um starfið á vef Reykjanesbæjar undir Laus störf. Umsókn um starfið skal fylgja skrá yfir menntun og starfsferil ásamt afriti af leyfisbréfi. Einnig er óskað eftir kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Heimilt er að sækja upplýsingar úr sakaskrá um það hvort umsækjandi hafi hlotið dóm vegna brota á ákvæðum XXII. kafla almennra hegningarlaga, sjá 3. mgr. 12. gr. laga nr. 95/2019.

Frekari upplýsingar um starfið veitir Hlynur Jónsson, skólastjóri Myllubakkaskóla, netfang: [email protected] og í síma 862 5209.

Auglýsing birt4. júní 2025

Umsóknarfrestur18. júní 2025

Tungumálahæfni