Lyfja Mosfellsbær - þjónusta og ráðgjöf - sumarstarf

Við leitum að sjálfstæðum og skipulögðum starfsmanni með ríka þjónustulund í sölu- og afgreiðslustarf í sumar í Lyfju Mosfellsbæ. Starfið felst í að veita almenna ráðgjöf til viðskiptavina um val á vörum og að tryggja góða þjónustuupplifun.

Hlutverk og ábyrgð:

• Ráðgjöf til viðskiptavina um val á vörum
• Þjónusta og almenn afgreiðslustörf
• Áfyllingar í verslun
• Afhending lyfja gegn lyfseðli

Hvaða hæfni þarft þú að hafa?

• Ríka þjónustulund og gott viðmót
• Áhuga á mannlegum samskiptum
• Áhuga á heilsu og vellíðan
• Reynsla af störfum í apóteki er kostur

Starfið:

Um sumarstarf er að ræða með möguleika á áframhaldandi starfi samhliða námi í haust. Vinnutími er á opnunartíma verslunar eða samkvæmt samkomulagi.

Umsækjandi þarf að hafa ágæta íslensku- og enskukunnáttu og hafa náð 18 ára aldri.

Hvers vegna Lyfja?

Lyfja er leiðandi fyrirtæki í íslenskri heilbrigðisþjónustu með það að markmiði að auka lífsgæði og efla heilsu. Við rekum 42 verslanir hringinn í kringum landið auk Lyfju Heyrnar og lyfjaskömmtunar. Hjá okkur starfar öflugur hópur heilbrigðismenntaðs og sérþjálfaðs starfsfólks sem styður við viðskiptavini í þeirra heilsueflingu, vinnur að vellíðan og tryggir lyfjaöryggi. Við leggjum áherslu á faglega og hlýlega þjónustu og stöðuga nýsköpun.

Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu og leggjum mikla áherslu á gott jafnvægi milli vinnu og einkalífs. Starfsfólk Lyfju nýtur góðra kjara á vörum og þjónustu hjá ELKO, Krónunni, Lyfju og N1, sem öll eru hluti af Festi hf.

Nánari upplýsingar veitir Hróðmar Jónsson, lyfsali í Lyfju Mosfellsbæ í síma 416-0100 og á [email protected]

Farið er með allar umsóknir og fyrirspurnir sem trúnaðarmál.