Laus störf Hæfnileit Vinnustaðir Námskeið

Reitir

Reitir er leiðandi fyrirtæki í fasteignaþróun, umsýslu og eignarhaldi atvinnuhúsnæðis á Íslandi. Við mótum framtíðina með sjálfbærri uppbyggingu og sterkum langtímasamböndum sem skapa ávinning fyrir leigutaka, fyrirtækið og samfélagið. Á sama tíma hlúum við að sögufrægum byggingum og stöndum vörð um íslenskan menningararf. Hjá Reitum vinnur fjölbreyttur hópur sérfræðinga að því að þróa lífleg borgarhverfi og tryggja vandaða umsjón með eignum. Í starfi okkar leggjum við áherslu á vellíðan, jafnrétti og tækifæri til starfsþróunar – allt í takt við gildin okkar: jákvæðni, fagmennska og samvinna. Reitir er almenningshlutafélag skráð í Kauphöll Íslands og byggir á traustri arfleifð með skýra framtíðarsýn.

Vinnustaðurinn

Lögfræðingur

Reitir leita að metnaðarfullum og drífandi einstaklingi í starf lögfræðings. Um er að ræða fjölbreytt og krefjandi starf þar sem viðkomandi verður hluti af lögfræðiteymi Reita og kemur að verkefnum sem tengjast daglegum rekstri og þróun félagsins. Starfið felur í sér lögfræðilega ráðgjöf og úrlausn mála sem styðja við starfsemi Reita, auk náins samstarfs við önnur svið félagsins og ytri hagaðila.

Helstu verkefni og ábyrgð

Samningagerð. Einkum gerð leigusamninga, kaupsamninga, verksamninga og önnur skjalagerð.
Þátttaka í verkefnum á sviði regluvörslu og innra eftirlits, þar á meðal aðgerðum gegn peningaþvætti (AML).
Verkefni tengd fjármögnun félagsins.
Greining og úrlausn álitaefna og ágreiningsefna eftir því sem við á.
Samskipti og ráðgjöf við ytri aðila, s.s húsfélög.
Samstarf og þátttaka í verkefnum með öðrum sviðum félagsins

Menntunar- og hæfniskröfur

Embættis- eða meistarapróf í lögfræði
Að lágmarki 4 ára starfsreynsla sem nýtist í starfi  
Reynsla og þekking á sviði samningaréttar, leiguréttar, félagaréttar og fjármunaréttar er nayðsynleg
Góð greiningar- og ályktunarhæfni og hæfni til að vinna sjálfstætt og undir álagi
Góð samskiptahæfni og færni í teymisvinnu
Mjög góð kunnátta íslensku og ensku, bæði í ræðu og riti

Nánari upplýsingar um starfið veitir Unnur Erla Jónsdóttir, yfirlögfræðingur og regluvörður ([email protected]).

Umsóknarfrestur er til og með 10.maí 2026.

Um Reiti
Reitir hf. er íslenskt hlutafélag og hefur verið skráð á Nasdaq Iceland síðan 2015. Starfsemi Reita felst í eignarhaldi, útleigu og umsýslu atvinnuhúsnæðis sem að stærstum hluta er verslunar- og skrifstofuhúsnæði á höfuðborgarsvæðinu. Fasteignir félagsins eru í dag rúmlega 150 talsins og safnið er um 490 þúsund fermetrar að stærð. Meðal fasteigna Reita má nefna stærstan hluta verslunarmiðstöðvarinnar Kringlunnar, Spöngina og Holtagarða, Hótel Borg, Hotel Hilton Nordica og Hótel Reykjavík Natura auk skrifstofubygginga við Höfðabakka 9 og að Vínlandsleið. Þar að auki er félagið virkt í fasteignaþróun og fer með þróun og uppbyggingu á yfir 1.000 íbúðum og 130.000 fermetrum af atvinnuhúsnæði. Tekjur félagsins námu 18,2 ma. kr. árið 2025 og fjárfestingareignir þess voru metnar á 252 ma. kr. við árslok.

Auglýsing birt28. apríl 2026

Umsóknarfrestur10. maí 2026

Tungumálahæfni

Íslenska

Nauðsyn

Framúrskarandi

Staðsetning

Kringlan 4-12, 103 Reykjavík

Starfstegund

Starfsgreinar

Starfsmerkingar

Sambærileg störf (1)

Löglærður fulltrúi

Lögfræðistofa Selfoss