Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Lögfræðingar til starfa í viðurlagadeild á eftirlits- og rannsóknasviði

Skatturinn leitar að áhugasömum og hæfum lögfræðingum til að starfa í viðurlagadeild eftirlits- og rannsóknasviðs í höfuðstöðvum embættisins í Katrínartúni í Reykjavík.

Skatturinn er framsækinn vinnustaður sem gegnir lykilhlutverki við tekjuöflun ríkis og sveitarfélaga. Með virku eftirliti, rannsóknum og tollgæslu stuðlum við að jafnræði og virkri samkeppni og vernd við samfélagið. Gildi Skattsins eru fagmennska, framsækni og samvinna.

Starfið felur í sér tækifæri til sérhæfingar í áhugaverðum málaflokkum með samstarfi við aðra reynda sérfræðinga í þverfaglegu starfumhverfi.

Helstu verkefni og ábyrgð

Endurálagning opinberra gjalda vegna skattundanskota
Greining og mat á sönnunarstöðu og saknæmi í skattrannsóknamálum
Beiting sekta og annarra viðurlaga vegna brota á skattalögum
Meðferð kærumála fyrir yfirskattanefnd
Margvísleg lögfræðileg verkefni tengd skattrannsóknum, þar á meðal undirbúningur dómsúrskurða og framkvæmd sérstakra rannsóknaraðgerða, svo sem kyrrsetninga

Menntunar- og hæfniskröfur

Háskólapróf í lögfræði, að lágmarki BA-gráða, meistaragráða (eða sambærilegt) er æskileg
Þekking og/eða reynsla á sviðum skattaréttar, stjórnsýsluréttar eða refsiréttar
Lögmannsréttindi eru kostur
Gott vald á íslensku og ensku í töluðu og rituðu máli
Góð færni í mannlegum samskiptum og hæfni til að vinna í nánu samstarfi við aðra sérfræðinga
Frumkvæði og metnaður til að ná árangri í starfi
Skipulögð, nákvæm og sjálfstæð vinnubrögð
Hreint sakavottorð

Nánari upplýsingar um störfin veitir Theodóra Emilsdóttir, deildarstjóri viðurlagadeildar eftirlits- og rannsóknasviðs í síma 442-1000 eða með tölvupósti á netfangið [email protected]

Umsókn skal fylgja ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Auglýsing birt16. janúar 2026

Umsóknarfrestur26. janúar 2026

Tungumálahæfni