Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Leikskólinn Holt - Deildarstjóri

Leikskólinn Holt auglýsir eftir deildarstjóra í 100% stöðu.

Leikskólinn Holt er sex deilda leikskóli með rými fyrir 105 börn. Leikskólinn tók til starfa árið 1985 og er staðsettur í Innri Njarðvík í Reykjanesbæ. Unnið er í anda hugmyndafræði Reggio Emilia. Einkunnarorð skólans eru gleði, virðing, sköpun og þekkingarleit. Sjá nánar á heimasíðu skólans: Heimasíða

Leitað er eftir kennara sem vill taka þátt í lærdómssamfélagi þar sem trú á hæfileikum barnsins og vilja þess til að læra er í fyrirrúmi

Helstu verkefni og ábyrgð

Vinnur að uppeldi og menntun leikskólabarna samkvæmt starfslýsingu deildastjóra.
Ber ábyrgð á stjórnun, skipulagi deildar og miðlun upplýsinga.
Sinnir móttöku nýrra starfsmanna samkvæmt stefnu leikskólans.
Er hluti af stjórnendateymi leikskólans og kemur að áætlanagerð og mati.
Sér um foreldrasamstarf á deildinni.

Menntunar- og hæfniskröfur

Leikskólakennaramenntun eða annað kennarapróf.
Skapandi hugsun og metnaður í starfi.
Sjálfstæð vinnubrögð og samstarfshæfni.
Hæfileiki til að vera þátttakandi í lærdómssamfélagi í þróun.
Góð íslenskukunnátta skilyrði.

Ráðning er frá ágúst 2024. Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Þeir sem ráðnir eru til starfa í leikskólum Reykjanesbæjar þurfa að undirrita heimild til að aflað sé upplýsinga úr sakaskrá.

Sótt er um á vef Reykjanesbæjar, www.reykjanesbaer.is undir Laus störf. Umsóknum skal fylgja kynningarbréfi með rökstuðningi um hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns eða uppruna, eru hvattir til að sækja um.

Nánari upplýsingar um starfið veitir Hólmfríður Jennýjar Árnadóttir leikskólastjóri, netfang holmfridur.j.arnadottir@leikskolinnholt.is, S. 820 3140

Auglýsing stofnuð30. apríl 2024

Umsóknarfrestur13. maí 2024

Tungumálakunnátta