Leikskólinn Hagasteinn: Aðstoðarskólastjóri, nýr skóli
Staða aðstoðarskólastjóra leikskólans Hagasteins við Naustagötu 6 á Akureyri er laus til umsóknar. Um 100% ótímabundna stöðu er að ræða. Ráðið verður í stöðuna frá og með 1. júní 2026 eða samkvæmt samkomulagi.
Við leitum að framsýnum og metnaðarfullum aðstoðarskólastjóra sem er reiðubúinn til þátttöku í að byggja upp nýjan leikskóla frá grunni. Skólinn opnar í tveimur áföngum. Í fyrri áfanga er áætlað að opna fjórar deildir í ágúst 2026 og í seinni áfanga verða fjórar deildir opnaðar, áætlað í apríl 2027. Lögð verður áhersla á hlýtt, öruggt og skapandi lærdómssamfélag þar sem velferð barna og starfsfólks er í fyrirrúmi.
Starfssvið og áherslur:
Aðstoðarleikskólastjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og menntastefnu Akureyrarbæjar sem og Réttindaskóla UNICEF, þar sem mannréttindi barna eru leiðarljós í öllu starfi.
Í samstarfi við nýráðinn skólastjóra fer fram sameiginleg mótun faglegra áherslna, uppeldisstefnu og innra starfs.
Næsti yfirmaður aðstoðarskólastjóra er skólastjóri.
Við leggjum áherslu á heilnæmt og barnvænt umhverfi, þar sem líkamleg og andleg vellíðan er undirstaða leikskólastarfsins. Í innra og ytra umhverfi skólans verður hugað að:
- Lestrar- og málörvun: Lögð er áhersla á málþroska og læsi með læsishvetjandi umhverfi á fjölbreyttan hátt.
- Skapandi og sjálfsprottnum leik: Leik- og efniviður er valinn með það í huga að hvetja börn til sjálfstæðrar sköpunar, ímyndunar og lausnaleitar.
- Eiturefnalausu umhverfi: Áhersla lögð á vandaðan efnivið í húsgögnum, leikföngum, borðbúnaði og námsgögnum, þannig að umhverfið sé öruggt og heilnæmt eins og kostur er.
- Náttúrunni: Náttúran verður nýtt markvisst sem hluti af leik og námi og umhverfismennt fái ríkan sess í daglegu starfi.
- Hreyfingu og næringu: Börn fá fjölbreytt tækifæri til hreyfingar og góð næring er hluti af daglegu starfi.
- Virðingu fyrir umhverfi: Flokkun og umhverfisvitund eru hluti af leik og starfi.
- Heilbrigði og öryggi: Öryggi, vellíðan og heilbrigði allra í skólasamfélaginu eru ávallt í forgrunni.
- Náttúrulegu litavali og rólegu umhverfi: Róandi og fallegt umhverfi styður einbeitingu, leik og skapandi hugsun.
- Vinnur náið með skólastjóra og ber ásamt honum ábyrgð á skipulagningu, rekstri, starfsmannamálum og faglegu starfi skólans.
- Er staðgengill í fjarveru skólastjóra og starfar þá samkvæmt starfslýsingu hans.
- Vinnur að uppeldi og menntun nemenda og starfar að hluta til inni á deildum.
- Vinnur í nánu samstarfi við foreldra/forráðamenn nemenda.
- Kennaramenntun og leyfi til að nota starfsheitið kennari.
- Grunnnám í leikskólafræðum er kostur.
- Viðbótarmenntun á sviði menntunarfræða og/eða stjórnunar er kostur.
- Reynsla af stjórnun og leikskólastarfi er æskileg.
- Reynsla og áhugi af faglegri forystu og leiðsögn á sviði kennslu og þróunar í skólastarfi.
- Farsæl reynsla af mannauðsmálum kostur og færni til eflingar mannauðs.
- Jákvæðni og sjálfstæði.
- Samstarfsvilji og framúrskarandi hæfni og lipurð í samskiptum.
- Góð íslenskukunnátta og færni til að tjá sig í ræðu og riti.
- Góð enskukunnátta.
- Góð tölvukunnátta er nauðsynleg.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Íslenska
Enska
