Leikskólastjóri

Skóla- og frístundasvið Reykjavíkurborgar auglýsir stöðu leikskólastjóra í leikskólanum Hlíð lausa til umsóknar. Leitað er að einstaklingi sem býr yfir leiðtogahæfileikum og er tilbúinn til að leiða áfram gott og metnaðarfullt leikskólastarf.

Hlíð er sex deilda leikskóli í grónu hverfi í Hlíðunum. Skólinn hefur tvær starfsstöðvar — við Engihlíð fyrir eldri börn og við Eskihlíð fyrir yngri börn. Starfsstöðin við Engihlíð er nú í endurnýjun og er á áætlun að endurgert húsnæði verði tilbúið í apríl 2027.

Einkunnarorð skólans eru virðing – vinátta – velíðan. Lögð er áhersla á að börnunum líði vel, að þau séu félagslegafær og skilji mikilvægi þess að bera virðingu fyrir sjálfum sér, öðrum og umhverfi sínu.

Námskrá skólans byggir á því að börn læri í gegnum leik og hann er óendanleg uppspretta nýrra möguleika, námstækifæra og gleði.

Hér er frábært tækifæri fyrir leikskólastjóra til að byggja upp öflugt lærdómssamfélag — bæði fyrir börnin og starfsfólkið.

Helstu verkefni og ábyrgð

Vera faglegur leiðtogi leikskólans og móta framtíðarstefnu hans innan ramma laga, reglugerða,aðalnámskrár
og stefnu Reykjavíkurborgar
Stýra rekstri og daglegri starfsemi skólans, þar á meðal fjárreiðum, áætlanagerð og eftirfylgni
Standa vörð um farsæld, velferð og nám barna skólans
Hafa yfirumsjón með innra mati á starfi leikskólans og umbótaáætlunum
Hvetja til þróunar og nýbreytni í leikskólastarfi
Bera ábyrgð á starfsmannamálum, svo sem ráðningum, vinnutilhögun og starfsþróun
Tryggja virkt og farsælt samstarf við foreldra, foreldrafélög, skólaþjónustu og aðra ytri hagaðila sem deilaábyrgð á velferð barna.

Menntunar- og hæfniskröfur

Leyfisbréf
Leikskólakennaramenntun er æskileg
Framhaldsnám og reynsla af stjórnun í leikskóla æskileg
Knslureynsla á leikskólastigi
Stjórnunar- og leiðtogahæfileikar
Þekking á rekstri, áætlanagerð og fjármálastjórnun
Lipurð og hæfni í samskiptum
Faglegur metnaður, sjálfstæði og frumkvæði.
Áhugi og/eða reynsla af aleiða þróunarstarf
Íslenskukunnátta C1 samkvæmt evrópska tungumálarammanum
Hreint sakavottorð í samræmi við lög sem og reglur Reykjavíkurborgar

Í öllu starfi skóla- og frístundasviðs er unnið að innleiðingu Menntastefnu Reykjavíkur, Látum draumana rætast, þar sem leiðarljósin eru virkni og þátttaka barna, aukið samstarf og fagmennska.

Umsókn fylgi yfirlit yfir nám og fyrri störf, afrit af leyfisbréfi til að nota starfsheitið kennari og kynningarbréf þar sem fram koma helstu ástæður þess að sótt er um starfið.

Á grundvelli samþykktar fyrir skóla- og frístundaráð ræður sviðsstjóri í starf leikskóla og um kjör fer samkvæmt kjarasamningi Kennarasambands Íslands vegna Félags stjórnenda í leikskólum.

Um er að ræða 100% stöðu sem er laus frá 1.agúst 2026

Nánari upplýsingar um starfið veitir Gyða Guðmundsdóttir, fagstjóri leikskóla í Vesturmiðstöð, á netfanginu [email protected] eða í síma 6939854.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Auglýsing birt26. maí 2026

Umsóknarfrestur3. júní 2026

Tungumálahæfni