Laus störf Hæfnileit Vinnustaðir Námskeið

Lögreglan á höfuðborgarsvæðinu

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir öll alltaf. Megin áhersla er lögð á að starfsfólk búi yfir þekkingu og hæfni til að takast á við fjölbreytileg verkefni. Áhersla er á traust og gagnsæi í samskiptum, jafnrétti, starfsánægju og heilbrigðan starfsanda. Gildi LRH eru TRAUST, FAGMENNSKA og ÖRYGGI.

Vinnustaðurinn

Landamæraverðir

Lögreglan á höfuðborgarsvæðinu auglýsir til umsóknar þrjár stöður landamæravarða við landamæraeftirlit embættisins. Ráðið verður í stöðurnar frá og með 1. apríl 2026.

Landamæradeild sinnir landamæragæslu í höfnum á höfuðborgarsvæðinu og Reykjavíkurflugvelli, heldur úti landamæraeftirliti og eftirliti með útlendingum á svæðinu.

Við ráðningar hjá LRH er tekið mið af jafnréttisáætlun embættisins.

Helstu verkefni og ábyrgð

Megin verkefnið er að framfylgja reglum um landamæraeftirlit og/eða landamæragæslu skv. lögum um landamæri nr. 136/2022, reglugerð um för yfir landamæri nr. 866/2017 og lögum um útlendinga nr. 80/2016. Landamæraverðir munu sinna fyrstu og annars stigs skoðun á landamærum.

Landamæraeftirlit og landamæravarsla (Border Control an Border Surveillence) í höfnum á varðsvæði LRH og á Reykjavíkurflugvelli.

Tryggja að unnið sé eftir lögum, reglum og samhæfðu verklagi eins og Schengen Borders Code, lögum um landamæri og útlendingalögum í samræmi við áherslur og markmið hverju sinni.

Menntunar- og hæfniskröfur

Stúdentspróf og/eða reynsla sem nýtist í starfi
Reynsla og þekking á verkefnum á landamærum er kostur
Framúrskarandi samskiptahæfni og þjónustulund
Mikið frumkvæði, sveigjanleiki og gott álagsþol
Sjálfstæð, skipulögð og vönduð vinnubrögð
Góð íslensku og enskukunnátta í ræðu og riti
Góð almenn tölvukunnátta
Bílpróf

Umsókn skal fylgja ítarleg ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum.

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framin var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu, sbr. 28. gr. a. lögreglulaga nr. 90/1996.

Starfið felur í sér vaktavinnu á tvískipum vökum þar sem megin vinnutími er milli 07-23 alla daga vikunnar.

Reynsla og þekking á verkefnum á landamærum er kostur en allir sem ráðnir verða þurfa að fara í gegnum námskeið til að tryggja nægjanlega þekkingu á regluverki landamæra og skoðun skilríkja. Samhliða starfinu verður regluleg símenntun.

Reiknað er með því að ráðið verði í stöðurnar frá og með 1. apríl. Í apríl mánuði mun fara fram þjálfun svo landamæraverðir verði tilbúnir til starfa þann 1. maí.

Umsóknir sem berast eftir að umsóknarfrestur lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar veitir

Jón Þór Karlsson

Tölvupóstur: [email protected]

Sími: 444-1000

Sigríður Gisela Stefánsdóttir

Tölvupóstur: [email protected]

Sími: 444-1000

Auglýsing birt21. janúar 2026

Umsóknarfrestur2. febrúar 2026

Tungumálahæfni