Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Kennslustjóri sérnáms í skurðlækningum

Laust er til umsóknar hlutastarf kennslustjóra sérnáms í skurðlækningum við Landspítala frá 1. desember 2025 eða skv. samkomulagi. Kennslustjóri er leiðtogi og fyrirmynd og ber ábyrgð á innihaldi, gæðum og framkvæmd sérnáms í skurðlækningum auk víðtækrar, leiðandi aðkomu að mannauðsmálum sérnámslækna. Meginhlutverk er að tryggja öflugt sérnám og stuðla þannig að árangursríkum lækningum, góðri þjónustu og öryggi sjúklinga ásamt viðeigandi mönnun greinarinnar til framtíðar. Þá gegnir kennslustjóri einnig mikilvægu hlutverki í uppbyggingu og framkvæmd vísindastarfa og umbótavinnu.

Kennslustjóri vinnur í nánu samstarfi við framkvæmdastjóra, forstöðulækna, yfirlækna, umsjónarsérnámslækna og annað samstarfsfólk. Kennslustjóri hefur aðgang að skrifstofuaðstöðu innan skurðlækninga og skrifstofu sérnáms og starfar náið með skrifstofustjóra og verkefnastjórum. Næsti yfirmaður er yfirlæknir sérnáms. Lesa má nánar um hlutverk kennslustjóra í reglugerð 856/2023.

Leitað er eftir sérfræðilækni í skurðlækningum með víðtæka reynslu og hæfni til að vera í forystu sérnámsins. Um er að ræða 30% starfshlutfall.

Helstu verkefni og ábyrgð

Fagleg ábyrgð á innihaldi og framkvæmd sérnáms í viðeigandi sérgrein í samræmi við marklýsingu og alþjóðlega gæðastaðla, auk viðhalds á marklýsingu í samvinnu við kennsluráð
Að leiða samræmt ráðningaferli í sérnámi tvisvar á ári
Að leiða kennsluráð sérnáms í skurðlækningum
Víðtæk leiðandi aðkoma að mannauðsmálum sérnámslækna, í samráði við stjórnendur með þríþætta ábyrgð
Skipulag og útgáfa námsblokka sérnámslækna í samræmi við marklýsingu
Skipulag fræðslu og færniþjálfunar í samræmi við marklýsingu

Menntunar- og hæfniskröfur

Íslenskt sérfræðileyfi í skurðlækningum
Leiðtogahæfileikar og geta til að leiða umbótastarf og breytingar, auk frumkvæðis og metnaðar til að ná árangri
Áhugi og reynsla af kennslu og klínískri þjálfun lækna
Afburðahæfni í mannlegum samskiptum, teymisvinnu og samvinnu við samstarfsfólk
Skilyrði er að kennslustjóri hafi klínískar starfsskyldur við starfseiningu sem samþykkt er til sérnáms af mats- og hæfisnefnd í skurðlækningum
Kennslustjóri þarf að hafa lokið viðeigandi þjálfun í handleiðslu
Góð almenn íslensku- og enskukunnátta áskilin

Starfshlutfall: 30%

Starfið auglýst 29.08.2025. Umsóknarfrestur er framlengdur til og með 02.10.2025.

Laun samkvæmt gildandi kjarasamningi sem fjármála- og efnahagsráðherra og Skurðlæknafélag Íslands hafa gert.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðilar

Nauðsynleg fylgiskjöl:

Vottað afrit af námsgögnum og starfsleyfum ef umsækjandi er ekki þegar í starfi á Landspítala þar sem gögnin liggja fyrir.
Ferilskrá þar sem tilgreind er reynsla af kennslu, vísindavinnu og stjórnunarstörfum.
Kynningarbréf með rökstuðningi fyrir hæfni og sýn á starfið.
Yfirlit yfir birtar vísindagreinar (eða í ritrýni) sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.

Fylgiskjöl skulu vera á pdf formi.

Viðtöl verða höfð við umsækjendur sem uppfylla hæfnikröfur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sérfræðilæknir

Tungumálahæfni: íslenska 4/5, enska 4/5

Nánari upplýsingar

Margrét Dís Óskarsdóttir, [email protected],

Skrifstofa sérnáms

Skaftahlíð 24

105 Reykjavík

Auglýsing birt23. september 2025

Umsóknarfrestur2. október 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)

Hjúkrunarnemar 3. og 4. árs á hjarta-, lungna- og augnskurðdeild og nýrnalækningadeild