Kennslustjóri Heilbrigðisvísindasviðs Háskóla Íslands
Laust er til umsóknar fullt starf kennslustjóra á Heilbrigðisvísindasviði Háskóla Íslands.
Heilbrigðisvísindasvið leitar að metnaðarfullum og framsýnum kennslustjóra. Í starfinu felst að leiða og samræma stjórnsýsluverkefni á sviði náms og kennslu, í því skyni að efla gæði og styðja við faglega þróun, framtíðarsýn og stefnu - HÍ26.
Kennslustjóri Heilbrigðisvísindasviðs starfar í síkviku og framsæknu umhverfi, þar sem rík áhersla er lögð á fjölbreyttar kennsluaðferðir, þverfræðilega samvinnu og nútímalega kennsluhætti. Viðkomandi mun hafa aðsetur í Læknagarði við Vatnsmýrarveg 16 og vera í náinni samvinnu við stjórnendur, kennara, kennslusvið HÍ og teymi verkefnastjóra sem styðja við nám, kennslu, rannsóknir og þróunarverkefni á sviðinu.
Í tengslum við byggingu nýs húss Heilbrigðisvísindasviðs sem áætlað er að verði tilbúið árið 2029 stendur yfir vinna við endurskipulagning á stoðþjónustu Heilbrigðisvísindasviðs og því gætu verkefni í umræddu starfi tekið breytingum í takt við þær áherslur. Kennslustjóri mun gegna lykilhlutverk í að þróa og aðlaga þjónustu á sviði náms og kennslu í takt við þessa spennandi uppbyggingu og breytingar.
- Leiða og samræma gæðamál, þróunarverkefni og þjónustu á sviði náms og kennslu.
- Ráðgjöf og stuðningur við stjórnendur, kennara og starfsfólk vegna verkefna sem lúta að námi og kennslu.
- Samræmd miðlun upplýsinga á vef, í ferlum og reglum.
- Skipulag kennslu og kennsluaðstöðu þvert á sviðið.
- Umsjón með upplýsingum sviðsins í kennsluskrá og undirbúningi brautskráninga nemenda sviðsins.
- Þátttaka í stefnumótun og þróun reglna um nám.
- Fulltrúi sviðsins í nefndum og verkefnum í tengslum við nám og kennslu, alþjóðamál og jafnréttismál.
- Tengiliður Heilbrigðisvísindasviðs við kennslusvið HÍ og er jafnframt í samtarfi við kennslustjóra annarra fræðasviða.
- Meistarapróf sem nýtist í starfi. Kostur ef viðkomandi hefur einnig lokið doktorsprófi sem tengist starfssviði.
- Reynsla af störfum innan háskóla er æskileg, sérstaklega á sviði náms og kennslu.
- Hæfni til að miðla upplýsingum á skýran og faglegan hátt, bæði í ræðu og riti.
- Gott vald á upplýsingatækni og áhugi á að tileinka sér og innleiða slíkar nýjungar, m.a. á sviði gervigreindar.
- Góð samstarfshæfni ásamt ríkri þjónustulund.
- Sjálfstæð, skipulögð og lausnamiðuð vinnubrögð í átt að árangri.
- Góð íslensku- og enskukunnátta.
Íslenska
Enska
