Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Kennslufræðingur í Kennslumiðstöð

Laust er til umsóknar fullt starf kennslufræðings. Í starfinu felst kennsluráðgjöf og stuðningur við kennsluþróun innan Háskóla Íslands í samræmi við hlutverk Kennslumiðstöðvar og stefnu HÍ á hverjum tíma. Hlutverk Kennslumiðstöðvar er að veita starfsfólki og stjórnendum HÍ faglega ráðgjöf við þróun kennsluhátta og vera leiðandi í kennsluþróun háskóla.

Helstu verkefni og ábyrgð

Kennsluþróun, ráðgjöf og kennslufræðilegur stuðningur við akademíska starfsmenn skólans, deildir og fræðasvið
Náið samstarf við einingar innan háskólans sem sinna kennsluþróun, s.s. kennsluþróunarstjóra, Kennsluakademíu og kennslumálanefnd HÍ
Ráðgjöf vegna námskeiðshönnunar, endurskipulagningar og samhæfingar námskeiða og námsleiða
Þróun kennsluhátta á háskólastigi, í því felst m.a. að vinna að matsverkefnum á vegum miðstöðvarinnar og kanna þarfir á stuðningi
Þátttaka í skipulagningu og framkvæmd viðburða í tengslum við kennslu og kennsluþróun (t.d. kennsluspjall, námskeið, vinnustofur og ráðstefnur)
Gerð fræðsluefnis og leiðbeininga á sviði kennslu og kennsluþróunar

Menntunar- og hæfniskröfur

Háskólapróf sem nýtist í starfi t.d. á sviði kennslu og menntunarfræða
Kennsluréttindi eða góð kennslufræðileg þekking
Reynsla af kennsluþróun
Góð skipulags- og samskiptahæfni
Frumkvæði og sjálfstæð vinnubrögð
Góð þekking á upplýsingatækni og stafrænum kennsluháttum
Góð kunnátta í íslensku og ensku, bæði í rituðu og töluðu máli

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.

Nánari upplýsingar veitir

Kristinn Andersen, Sviðsstjóri kennslumála - [email protected] -

Auglýsing birt1. júlí 2025

Umsóknarfrestur11. júlí 2025

Tungumálahæfni