Laus störf Hæfnileit Vinnustaðir Námskeið

Seyðisfjarðarskóli

Seyðisfjarðarskóli skiptist í grunnskóladeild, leikskóladeild og listadeild. Sýn skólans er sú að í hverjum nemenda búi fjársjóður. Hlutverk skólans er að þroska þann sjóð, mennta ábyrga, hæfa og skapandi einstaklinga í samvinnu við heimilin og nánu samstarfi deildanna, í samræmi við aðalnámskrá leik-og grunnskóla, lög og reglugerðir. Í nýrri skólastefnu kemur fram að leiðarljós starfsins sé góð samvinna, lýðræði og jafnrétti og jafnramt að sköpunarkraftur, sjálfbærni, fjölbreytileiki og gagnrýnin hugsun einkenni skólastarf í öllum deildum.

Vinnustaðurinn

Íþróttakennari Seyðisfjarðarskóla

Laus er staða íþróttakennara við Seyðisfjarðarskóla. Starfið er 60% en möguleiki er á að blanda saman störfum til að fylla upp í 100% starf.

Ráðningartími er frá 1. ágúst næstkomandi. Um framtíðarstarf er að ræða.

Helstu verkefni og ábyrgð

Skipuleggja nám og kennslu samkvæmt markmiðum aðalnámskrár grunnskóla.
Fylgjast með velferð nemenda og hlúa að þeim andlega og líkamlega svo þeir fái notið sín sem einstaklingar.
Taka þátt í mótun skólastarfs í samræmi við stefnu skólans.

Menntunar- og hæfniskröfur

Kennsluréttindi.
Reynsla og áhugi á að starfa með börnum.
Menntun og hæfni til íþróttakennslu.
Frumkvæði og metnaður í vinnubrögðum.
Jákvæðni, stundvísi og samviskusemi.

Launakjör eru samkvæmt kjarasamningum sveitarfélagsins og Kennarasambands Íslands.

Öllum umsóknum skal fylgja greinagott yfirlit yfir nám og fyrri störf, afrit af leyfisbréfi til kennslu og prófskírteini ásamt rökstuðningi fyrir hæfni viðkomandi í starfið. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Þórunn Hrund Óladóttir, skólastjóri í síma 8668302 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Tekið er mið af jafnréttisáætlun Múlaþings við ráðningar hjá sveitarfélaginu. Þeir sem ráðnir eru til starfa hjá Seyðisfjarðarskóla þurfa að veita heimild til að leitað sé upplýsinga úr sakaskrá.

Auglýsing birt26. apríl 2026

Umsóknarfrestur10. maí 2026

Tungumálahæfni