Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Íslenskukennari – Háskólagrunnur HR

Háskólagrunnur HR leitar að kraftmiklum og áhugasömum íslenskukennara í fullt starf. Lægra starfshlutfall kemur einnig til greina. Í starfinu felst fyrst og fremst kennsla í íslensku á framhaldsskólastigi sem undirbýr nemendur fyrir nám í háskóladeildum skólans.

Helstu verkefni og ábyrgð

Kennsla, undirbúningur og yfirferð verkefna
Þátttaka í skipulagi og þróunarstarfi við Háskólagrunn HR
Kennsluþróun í íslensku og samstarf við kennara deildarinnar
Samskipti við nemendur og starfsfólk skólans

Menntunar- og hæfniskröfur

Háskólapróf sem veitir góða þekkingu og færni í íslensku
Kennsluréttindi eru æskileg
Reynsla af kennslu er æskileg
Vilji til að skoða og reyna ólíkar aðferðir við kennslu og miðlun
Fagmennska og skipulagshæfni
Færni í samskiptum og hæfileiki til að vinna með fjölbreyttum hópum

UMSÓKNARFERLIÐ

Umsóknarfrestur er til og með 21. september nk.
Með umsókn skal fylgja afrit af viðeigandi prófskírteinum
Æskilegt er að umsókn fylgi einnig starfs- og ferilskrá, upplýsingar um meðmælendur og kynningarbréf þar sem umsækjandi gerir m.a. grein fyrir hugmyndum sínum um kennslu og kennsluaðferðir
Einungis er tekið á móti umsóknum á rafrænum umsóknarvef HR

Ráðið verður í stöðuna frá 1. janúar 2026 eða eftir samkomulagi.

Nánari upplýsingar um starfið veitir Anna Sigríður Bragadóttir, forstöðumaður Háskólagrunns HR ([email protected]; sími: 599 6460) og Elísabet Þóra Jóhannesdóttir, mannauðssérfræðingur ([email protected]). Farið verður með allar fyrirspurnir og umsóknir sem trúnaðarmál.

HÁSKÓLAGRUNNUR HR

Háskólagrunnur byggir á 60 ára reynslu og er ætlaður nemendum sem ekki hafa lokið stúdentsprófi og einnig stúdentum sem þurfa meiri undirbúning í stærðfræði og raungreinum fyrir háskólanám. Við deildina starfa níu fastráðnir kennarar, nemendafjöldi er nú um 110.

HÁSKÓLINN Í REYKJAVÍK

Í Háskólanum í Reykjavík er lögð áhersla á að skapa eftirsóknarverðan vinnustað sem fagnar fjölbreytileika og einkennist af virðingu fyrir einstaklingum og störfum þeirra. Lögð er áhersla á fyrsta flokks aðstöðu, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra.

Knúið af

Auglýsing birt5. september 2025

Umsóknarfrestur21. september 2025

Tungumálahæfni