Laus störf Hæfnileit Vinnustaðir Námskeið

Vatnsendaskóli

Í Vatnsendaskóla er lögð rík áhersla á fjölbreytta kennsluhætti og einstaklingsmiðað nám. Áhersla er lögð á umhverfis-, rannsóknar- og vettvangsnám. Gildi skólanámskrár byggjast á virðingu, vináttu, samvinnu og skapandi skólastarfi. Sérstök áhersla er lögð á náttúrufræði og raungreinar og útikennsla er ríkur þáttur í skólastarfinu þar sem skólinn er staðsettur í fallegu umhverfi við Elliðavatn. Í Vatnsendaskóla er litið á hvern árgang sem eina heild. Kennarar árgangsins bera sameiginlega ábyrgð á nemendum og vinna saman að því að skipuleggja nám nemenda. Þetta fyrirkomulag stuðlar að sveigjanleika og býður upp á möguleika að breyta hópum í samræmi við viðfangsefni og aukna samkennslu þar sem það á við. Þannig nýtist styrkur og hæfni starfsfólks nemendum.

Vinnustaðurinn

Húsvörður óskast í Vatnsendaskóla

Vatnsendaskóli óskar eftir húsverði í fjölbreytt og lifandi starf

Í Vatnsendaskóla eru um 530 nemendur í 1.-10. bekk og eru starfsmenn skólans tæplega 90. Í skólanum er góður starfsandi og áhersla er á gott starfsumhverfi. Skólinn er staðsettur í fallegu umhverfi við Elliðavatn. Unnið er samkvæmt uppeldisstefnunni Uppeldi til ábyrgðar og eru einkunnarorð skólans virðing, vinátta, samvinna og skapandi starf.

Ráðningartími og starfshlutafall

Um er að ræða 100% starf og miðað við ráðningu í byrjun ágúst eða eftir samkomulagi.

Upplýsingar um skólastarfið í Vatnsendaskóla, stefnu hans og helstu áherslur er að finna á heimasíðu skólans, vatnsendaskoli.is.

Helstu verkefni og ábyrgð

Hefur daglegt eftirlit með húsnæði og þrifum skólans, húsgögnum, áhöldum og lóð.
Sinnir daglegri verkstjórn skólaliða og skipuleggur störf þeirra við þrif, gæslu, aðstoð í mötuneyti/matsal og önnur dagleg störf.
Sér um að opna skóla í upphafi dags og gengur frá í lok dags.
Sinnir minniháttar viðhaldi á eignum og búnaði, tilkynnir um frekari viðhaldsþörf, jafnt innanhúss sem utan og á samskipti við eignasvið Kópavogsbæjar.
Sér um að hiti, lýsing og loftræsting sé fullnægjandi og að öll kerfi starfi rétt.
Sér um aðgangsstýringar skólahúsnæðis.
Aðstoðar við stærri fundi eða viðburði í skólanum.
Sér um að sorp sé flokkað, fjarlægt og lóðir séu þrifalegar.
Sér um snjómokstur og hálkueyðingu við innganga skólans sem og samskipti við þjónustumiðstöð vegna moksturs/hálkueyðingar á stærri svæðum.
Sér um innkaup á hreinlætis- og rekstrarvörum og öðru sem snýr að viðhaldi húss og búnaðar.
Sinnir ýmsum útréttingum fyrir skólann.
Önnur tilfallandi verkefni.

Menntunar- og hæfniskröfur

Iðnmenntun er kostur.
Mjög góð almenn verk- og tæknikunnátta.
Reynsla og þekking sem nýtist í starfi.
Reynsla af stjórnun verkefna og starfsmannahópa æskileg.
Þjónustulipurð og góð hæfni í samskiptum við börn og fullorðna.
Reglusemi, samviskusemi, snyrtimennska, stundvísi og áreiðanleiki.
Góð skipulagshæfni og sjálfstæði og frumkvæði í starfi.
Almenn ökuréttindi og þarf að hafa bíl til umráða. Greitt er kílómetragjald vegna sendiferða samkvæmt kjarasamningi.
Góð færni í íslensku, töluðu og rituðu máli.

Fríðindi í starfi

Starfsmenn Kópavogsbæjar fá frían aðgang í sundlaugar bæjarins

Laun eru samkvæmt kjarasamningi Sambands íslenskra sveitarfélaga og Starfsmannafélags Kópavogs.

Bent er á að samkvæmt lögum verða umsækjendur að skila sakavottorði.

Umsóknarfrestur er til og með 5. maí 2026.

Öllum umsóknum verður svarað þegar ákvörðun um ráðningu hefur verið tekin.

Allir einstaklingar, óháð kyni, eru hvattir til að sækja um starfið.

Nánari upplýsingar gefur María Jónsdóttir skólastjóri, netfang [email protected] og Ingunn Huld Kristófersdóttir aðstoðarskólastjóri, netfang [email protected]

Tekið er á móti umsóknum í gegnum ráðningarvef Alfreðs.

Auglýsing birt16. apríl 2026

Umsóknarfrestur5. maí 2026

Tungumálahæfni