Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Hugbúnaðarsérfræðingur með áhuga á sjálfvirkni

Ert þú hæfileikaríkur hugbúnaðarsérfræðingur með ástríðu fyrir að þróa vandaðan og skilvirkan hugbúnað? Þrífst þú vel í hópavinnu þar sem þú getur lagt þitt að mörkum við hönnun, þróun og viðhaldi hugbúnaðarkerfa?

Við leitum að metnaðarfullum og lausnamiðuðum hugbúnaðarsérfræðingi sem hefur áhuga á gagnavinnslu, sjálfvirkni og samþættingu kerfa.

Teymið þróar og rekur hugbúnað sem hefur það markmið að koma í veg fyrir tekjuleka, auka skilvirkni og skalanleika í veittri þjónustu til viðskiptavina. Rekstrarumhverfi Advania er stórt og samsett úr fjölda kerfa og verkefnin eru því fjölbreytt og krefjandi.

Hlutverk og ábyrgð

Þróun, viðhald og rekstur hugbúnaðar
Innleiðinga kerfa í lausnirnar okkar
Samskipti við þjónustueigendur og greina kröfur þeirra
Taka virkan þátt í Scrum athöfnum
Fylgjast með nýjum straumum og stefnum í faginu

Hæfniskröfur

Háskólamenntun á sviði tölvunarfræði, hugbúnaðarverkfræði eða aðra reynslu sem nýtist í starfi
Jákvætt og lausnamiðað hugarfar
Hæfni til að vinna í teymi
Góð samskiptahæfni
Góð enskukunnátta í töluðu og rituðu máli

Reynsla og þekking sem nýtist í starfi

Go
PHP
JavaScript
SQL (Postgresql)
Samþætting kerfa
Greining og framsetning gagna

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 16. júní 2025
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Heimir Már Helgason, deildarstjóri Autobilling and insights, [email protected] / 4409000.

Auglýsing birt3. júní 2025

Umsóknarfrestur16. júní 2025

Tungumálahæfni