Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Hefur þú áhuga á geðheilbrigðismálum? Spennandi starf á íbúðarkjarna fyrir geðfatlaða

Við á íbúðarkjarnanum við Hallgerðargötu óskum eftir stuðningsráðgjafa í 100% starf frá ágúst 2025. Um er að ræða framtíðarstarf þar sem unnið er á morgun og kvöldvöktum sem og eina til tvær helgar í mánuði. Unnið er samkvæmt hugmyndafræði um sjálfstætt líf þar sem veitt er einstaklingsmiðuð þjónusta.

Megin hlutverk íbúðarkjarnans er að styðja, valdefla og veita íbúum aðstoð til að eiga sjálfstætt og innihaldsríkt líf, innan sem utan heimilis með því að auka samfélagsþátttöku líkt og með atvinnu, njóta menningar og félagslífs. Lögð er áhersla á gott vinnuumhverfi, virðingu, samvinnu, heilsueflingu og sveigjanleika í starfi.

Helstu verkefni og ábyrgð

Er vakandi yfir andlegri og líkamlegri líðan þjónustunotenda.
Hvetur og styður íbúa til sjálfsstæðis og félagslegrar virkni með valdeflingu að leiðarljósi.
Leiðbeinir og aðstoðar íbúa við heimilishald, læknisheimsóknir og fleira.
Þátttaka í teymisvinnu ásamt sköpun og þróun nýrra tækifæra fyrir þjónustunotendur.
Er leiðandi í starfsmannahópnum þegar að kemur að því að vinna eftir verklagi og hugmyndafræði starfsstaðarins.
Styður við þróun og framtíð úrræðisins.

Menntunar- og hæfniskröfur

Áhugi á geðheilbrigðismálum.
Háskólamenntun sem nýtist í starfi s.s. á sviði heilbrigðis, mennta- og/eða félagsvísinda.
Reynsla af starfi með einstaklingum með geðfötlun kostur.
Reynsla af umönnun.
Rík þjónustulund, jákvæðni, sjálfstæði og sveigjanleiki í starfi.
Íslenskukunnátta B1-2 (samkvæmt samevrópskum matsramma um tungumálaviðmið).
Hreint sakavottorð í samræmi við lög sem og reglur Reykjavíkurborgar.

Fríðindi í starfi