Laus störf Hæfnileit Vinnustaðir Námskeið

Wise lausnir ehf.

Wise er alhliða upplýsingatæknifyrirtæki sem sérhæfir sig í þróun, ráðgjöf og innleiðingu á breiðu úrvali viðskipta- og rekstrarlausna sem hjálpa fyrirtækjum að skara fram úr, mæta áskorunum og grípa ný tækifæri. Lausnaframboð okkar samanstendur af hýsingar- og rekstrarþjónustu, öryggislausnum og heildstæðum viðskiptalausnum fyrir fyrirtæki, stofnanir og sveitarfélög. Hjá Wise starfa tæplega 200 sérfræðingar í Reykjavík, á Akureyri og í Litháen. Við erum fjölbreyttur hópur fólks sem eigum það sameiginlegt að brenna fyrir upplýsingatækni, nýsköpun og árangri viðskiptavina. Wise er fjölskylduvænn, lifandi og skemmtilegur vinnustaður. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og heilsustyrk til starfsmanna. Fyrirtækið býður upp á samkeppnishæf laun og hlaut jafnlaunavottun 2021 og viðurkenningu FKA Jafnvægisvogarinnar 2022.

Vinnustaðurinn

Fulltrúi starfsánægju og skrifstofu

Góður vinnustaður gerist ekki af sjálfu sér

Á bak við hvern góðan vinnustað er manneskja sem hugsar vel um fólkið og passar að hlutirnir gangi snurðulaust fyrir sig. Hún sér til þess að nýtt samstarfsfólk fái hlýjar móttökur, að starfsfólki líði vel á skrifstofunni, að viðburðurinn verði eftirminnilegur, að ferðin sé bókuð og að fundarherbergið sé klárt. Við leitum að þeirri manneskju.

Um starfið

Í þessu starfi verður þú manneskjan sem fólkið okkar leitar til og tekur virkan þátt í að móta vinnustaðamenningu Wise. Þú vinnur náið með framkvæmdastjóra fjármála og færð að móta starfið með okkur. Um er að ræða starf á starfsstöð í Reykjavík.

Helstu verkefni og ábyrgð

Það sem þú munt gera

Taka vel á móti nýju fólki og fylgja því eftir fyrstu vikurnar í starfi
Efla starfsánægju og vellíðan á vinnustaðnum
Vera fyrsti tengiliður starfsfólks vegna aðstöðu og daglegs umsjónar skrifstofunnar
Skipuleggja viðburði og félagslíf, bæði stóra og smáa, innanhúss og utan
Sjá um innri upplýsingamiðlun til starfsfólks
Taka þátt í flutningum í nýjar höfuðstöðvar og koma nýrri aðstöðu í gott horf
Halda utan um samskipti við þjónustuaðila á sviði aðstöðu, heilsu og fræðslu
Styðja við ráðningar: auglýsingar, samskipti við umsækjendur og bókun viðtala
Sækja um styrki, t.d. fræðslustyrki
Annast vinnuferðir starfsfólks, frá bókun til heimkomu

Menntunar- og hæfniskröfur

Þú ert líklega rétta manneskjan ef þú…

hefur reynslu af sambærilegu starfi, t.d. á sviði skrifstofustjórnunar eða mannauðsmála
hefur einlægan áhuga á fólki og vellíðan á vinnustað
átt auðvelt með samskipti og nýtur þess að hjálpa öðrum
býrð yfir góðri skipulagshæfni og fylgir verkefnum eftir til enda
sýnir frumkvæði og heldur ró þinni þótt mikið sé um að vera
sýnir nærgætni og fagmennsku í meðferð trúnaðarupplýsinga
hefur gott vald á íslensku og ensku, bæði í töluðu og rituðu máli

Um Wise

Wise er íslenskt upplýsingatæknifyrirtæki sem hjálpar fyrirtækjum og stofnunum að ná árangri með snjallri nýtingu tækni. Hjá okkur starfar fjölbreyttur hópur um 140 sérfræðinga í Reykjavík og á Akureyri við allt frá viðskiptalausnum og hugbúnaðarþróun yfir í gervigreind, gögn, netöryggi og rekstur upplýsingakerfa.

Við viljum vera vinnustaður þar sem fólk fær að vaxa, hafa áhrif og nýtur sín.

Umsóknarfrestur er til og með 22. nóvember 2026.

Auglýsing birt4. nóvember 2026

UmsóknarfresturEnginn

Tungumálahæfni