Framkvæmdastýra áfangaheimilis fyrir konur
Lítil Þúfa fta. leitar að framkvæmdastýru áfangaheimilis fyrir konur sem hafa lokið meðferð vegna vímuefnaröskunar. Um er að ræða 75% starfshlutfall.
Áhersla er lögð á einstaklingsmiðaða þjónustu við íbúa Þúfunnar.
Markmið er að veita íbúum stuðning og endurhæfingu frá vímuefnafíkn og styðja þá með heildrænu vinnulagi með áfalla- og batamiðaðri nálgun. Leitast er við að endurhæfing stuðli að breyttum lífsstíl til að auka líkur á að rjúfa einangrun, byggja upp virkni og færni til að hefja líf upp á eigin spýtur.
Áhersla er á að íbúar öðlist aukið sjálfsöryggi í lífi og starfi.
Framkvæmdastýra sér til þess að starfað sé í samræmi við hugmyndafræði Lítillar Þúfu og bestu þekkingu á sviði batamiðaðrar nálgunar.
Lítil Þúfa leggur áherslu á samstarf við aðila sem koma að málefnum íbúa með heildarsýn að leiðarljósi sem og metnaðarfullt og faglegt starf í þágu íbúa.
- Ber ábyrgð á faglegu starfi og rekstri, m.a. að rukka vistgjöld og gera húsaleigusamninga.
- Hefur umsjón með umsóknum um dvöl og ráðstafar lausum plássum. • Hefur umsjón með daglegu starfi Þúfunnar og öðru starfsfólki.
- Fylgist með batavinnu íbúa, sinnir fræðslu, stuðningshópum, tilfallandi og skipulögðum viðtölum.
- Hefur samskipti við aðila sem koma að málefnum íbúa, t.d. félagsþjónustu, barnavernd, Tryggingarstofnun ríkisins og virkniúrræði.
- Sinnir eftirliti með húsnæði Þúfunnar og hefur umsjón með að lagfæringar séu gerðar.
- Mætir á stjórnarfundi þegar formaður eða stjórn óskar eftir því og flytur sjórn skýrslu um starfið og gefur þær upplýsingar sem stjórnarmenn óska eftir.
- Háskólamenntun sem nýtist í starfi s.s. á sviði, félags- eða heilbrigðisvísinda
- Reynsla og þekking af málefnum íbúa
- Reynsla af ráðgjöf og/eða endurhæfingu
- Mjög góð samskipta- og samstarfshæfni
- Frumkvæði, sjálfstæði og skipulagshæfileikar
- Reynsla af starfsmannamálum og ráðningum er kostur
Bíla- og símastyrkur
Íslenska
