Laus störf Hæfnileit Vinnustaðir Námskeið

Lögreglustjórinn á Suðurnesjum

Hjá embætti lögreglustjórans á Suðurnesjum starfa um 200 manns. Verkefnin eru fjölbreytt og krefjandi. Í umdæmi lögreglunnar á Suðurnesjum er Keflavíkurflugvöllur sem gegnir lykilhlutverki í uppbyggingu almannaflugs á Íslandi og tengir landið við Evrópu og Norður-Ameríku. Í fjölmennu liði lögreglunnar á Suðurnesjum býr mikill þróttur og góð þekking þar sem áhersla er lögð á jafnrétti, starfsánægju, heilbrigðan starfsanda og góð samskipti.

Vinnustaðurinn

Fjármálastjóri - Lögreglustjórinn á Suðurnesjum

Við embætti lögreglustjórans á Suðurnesjum er laus til umsóknar staða fjármálastjóra. Við leitum að drífandi og framsýnum einstaklingi í spennandi og krefjandi starfsumhverfi. Fjármálastjóri ber ábyrgð á fjármálum embættisins í umboði lögreglustjóra og situr í yfirstjórn embættisins. Æskilegt er að viðkomandi geti hafið störf sem fyrst.

Við ráðningar hjá LSS er tekið mið af jafnréttisáætlun embættisins.

Helstu verkefni og ábyrgð

Fjármálastjórn og reikningshald
Gerð og eftirfylgni fjárhags- og rekstraráætlana
Greining, úrvinnsla og miðlun fjárhagsupplýsinga
Umsjón með innkaupum og samningagerð, gerð þjónustusamninga og uppgjör á þeim
Ábyrgð á upplýsingatæknimálum og þróun þeirra
Situr í yfirstjórn embættisins og tekur þátt í stefnumótun

Menntunar- og hæfniskröfur

Háskólamenntun sem nýtist í starfi er skilyrði
Framhaldsmenntun á sviði fjármála er æskileg
Haldbær reynsla af rekstrar- og fjármálastjórnun er nauðsynleg
Þekking á opinberum rekstri og lögum um opinber fjármál
Framúrskarandi samskipta- og samstarfshæfni
Mjög góð þjónustulund, jákvætt viðhorf og sveigjanleiki
Skipulagshæfni, frumkvæði og sjálfstæð og öguð vinnubrögð
Mjög góð tölvukunnátta er nauðsynleg, þ.m.t. Excel, Power BI og annar Microsoft hugbúnaður
Góð þekking á upplýsingatækniumhverfi og áhugi á þróun á því sviði
Þekking á Orra fjárhagskerfi er kostur
Góð íslensku- og enskukunnátta

Óskað er eftir að umsókn fylgi greinargóð ferilskrá yfir menntun og fyrri störf, staðfesting á námi og kynningarbréf þar sem umsækjandi gerir grein fyrir ástæðu umsóknarinnar og rökstyður hæfni sína í starfið.

Sótt er um á vef Starfatorgs. Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Auglýsing birt8. janúar 2026

Umsóknarfrestur19. janúar 2026

Tungumálahæfni