Fjármálastjóri Knattspyrnufélagsins Vals/Framkvæmdastjóri Hlíðarenda SES

Knattspyrnufélagið Valur leitar að öflugum og metnaðarfullum einstaklingi í starf fjármálastjóra félagsins sem jafnframt gegnir hlutverki framkvæmdastjóra Hlíðarenda ses., sem heldur utan um eignasafn Vals, lóðir og fasteignir félagsins.

Um er að ræða fullt starf á líflegum og fjölbreyttum vinnustað þar sem mikill metnaður ríkir og tækifæri eru til að hafa áhrif á þróun og rekstur eins stærsta íþróttafélags landsins.

Fjármálastjóri ber ábyrgð á fjármálum og rekstri félagsins og gegnir mikilvægu hlutverki í stefnumótun, áætlanagerð og ákvarðanatöku.

Samhliða starfi fjármálastjóra gegnir viðkomandi starfi framkvæmdastjóra Hlíðarenda ses. og hefur umsjón með daglegum rekstri og verkefnum félagsins. Í því felst meðal annars umsjón með stjórnarfundum, gerð áætlana, fjármálum og samskiptum við opinbera aðila og aðra hagaðila.

Framkvæmdastjóri Hlíðarenda ses. ber jafnframt ábyrgð á umsýslu og stýringu eignasafns sem samanstendur af lóðum, fasteignum og lausu fé. Starfið felur meðal annars í sér ákvarðanatöku og umsjón með eignastýringu, sölu eigna, samningagerð og öðrum verkefnum sem tengjast hagkvæmri nýtingu og þróun eigna félagsins.

Á næstu árum eru fram undan umfangsmikil og spennandi verkefni sem tengjast uppbyggingu mannvirkja á félagssvæði Vals, auk annarra þróunar- og uppbyggingarverkefna. Framkvæmdastjóri Hlíðarenda ses. mun hafa beina og óbeina umsjón með þessum verkefnum og gegna lykilhlutverki í undirbúningi þeirra, áætlanagerð, samningum og eftirfylgni.