Fjármálastjóri (CFO) – GreenFish hf.

Fjármálastjóri – GreenFish

GreenFish leitar að fjármálastjóra til að leiða fjármál félagsins og taka virkan þátt í uppbyggingu alþjóðlegs tæknifyrirtækis í hröðum vexti.

Um GreenFish

GreenFish er leiðandi á heimsvísu í þróun gervigreindarlausna fyrir sjávarútveg. Útgerðir á öllum helstu hafsvæðum heims treysta á lausnir félagsins við ákvarðanatöku á sjó.

Félagið þróar sérsniðin líkön sem spá fyrir um staðsetningu, magn, gæði og samsetningu afla.

Hlutverkið

Fjármálastjóri ber ábyrgð á fjármálum GreenFish og heyrir beint undir forstjóra.

Við leitum að manneskju sem tekur frumkvæði og kemur hugmyndum í framkvæmd.

Helstu verkefni

• Gerð fjárhagsáætlana og rekstrarspáa, ásamt greiningu og eftirfylgni með kostnaði og afkomu.

• Sjóðstreymisáætlanir og lausafjárstýring.

• Umsjón með mánaðarlegum uppgjörum í samstarfi við bókhaldsþjónustu og endurskoðendur.

• Reikningagerð og innheimta.

• Uppbygging mælaborðs fyrir lykilmælikvarða og regluleg upplýsingagjöf til forstjóra.

• Uppbygging fjármálakerfa, verkferla og innra eftirlits, með áherslu á nýtingu gervigreindar og sjálfvirkni.

• Mat á kostnaði og arðsemi nýrra verkefna og tekjustrauma.

Menntun og reynsla

• Háskólamenntun sem nýtist í starfi.

• Reynsla af fjármálastjórn hjá B2B SaaS-fyrirtæki í hröðum vexti og með alþjóðlega starfsemi.

• Mjög góð færni í fjárhagslíkanagerð og rekstrargreiningu.

• Þekking á lykilmælikvörðum áskriftarrekstrar.

• Reynsla af upplýsingagjöf til erlendra fjárfestingarsjóða er mikill kostur.

• Reynsla af fjárhagslegum skilum vegna styrkja og endurgreiðslu þróunarkostnaðar.

• Mjög góð íslensku- og enskukunnátta í töluðu og rituðu máli.

Við bjóðum

• Lykilhlutverk með ábyrgð og svigrúmi til að móta fjármálastarfsemi félagsins á þinn hátt.

• Náið samstarf við forstjóra, stjórn og aðra stjórnendur.

• Vinnuumhverfi sem einkennist af mikilli orku og metnaði.

Umsóknarfrestur er til og með 14.nóv 2026.

Nánari upplýsingar veitir Sveinn Sigurður Jóhannesson, forstjóri, á [email protected].