Laus störf Hæfnileit Vinnustaðir Námskeið

Jónsbók

Raxiom ehf. er hugbúnaðarfyrirtæki sem þróar gervigreindarlausn fyrir lögmenn og lögfræðinga. Fyrirtækið starfar á norðurlöndum, ungverjalandi og mun brátt bæta við fleiri evrópulöndum.

Vinnustaðurinn

Fjármálastjóri (CFO)

Jónsbók er fyrirtæki sem býr til gervigreindarlausnir fyrir lögfræðinga á Íslandi, Norðurlöndunum, Ungverjalandi, Króatíu, Rúmeníu, Póllandi og brátt fleiri Evrópulöndum.

Vegna örs vaxtar og alþjóðlegrar útrásar leitum við að öflugum fjármálastjóra. Þetta er lykilhlutverk þar sem þú vinnur beint með stofnendum og stjórn að því að byggja upp fjármálainnviði, aga og yfirsýn sem styður hraðan vöxt félagsins á mörgum mörkuðum.

Ef þú vilt vinna í umhverfi þar sem þú getur haft raunveruleg áhrif, byggt upp fjármálastarfsemi frá grunni og tekið þátt í einum hraðast vaxandi hugbúnaðarsprota á Íslandi, þá er þetta tækifærið fyrir þig.

Athugið að við erum opin fyrir umsækjendum sem vilja byrja í 50-80 % starfi en skoðum allar umsóknir.

Helstu verkefni og ábyrgð

Sem fjármálastjóri Jónsbókar munt þú:

Bera ábyrgð á fjármálastjórnun félagsins: fjárhagsáætlun, rúllandi spám, mánaðaruppgjöri og skýrslugjöf til stjórnenda og stjórnar
Fylgjast með og greina lykilmælikvarða SaaS-fyrirtækja (MRR/ARR, framlegð, churn/NRR, burn og runway) og styðja ákvarðanir um fjárfestingar, markaðsútvíkkun og ráðningar
Byggja upp innra eftirlit og útgjaldaaga: samþykktarheimildir, greiðsluferla og lausafjár- og gjaldeyrisstýringu
Bera ábyrgð á bókhaldi, skattskilum, ársreikningum og samskiptum við endurskoðendur og ytri bókara
Leiða skatta- og fjármálafylgni á erlendum mörkuðum, þ.m.t. mat á félagaskipan, ráðningarformi og áhættu á fastri starfsstöð, í samstarfi við staðbundna ráðgjafa
Hafa yfirumsjón með launavinnslu, launatengdum skuldbindingum og fjármála- og skattahlið kauprétta- og hlutabréfakerfa
Halda utan um R&D-kostnað, styrki og skattaívilnanir frá fjárhagslegu sjónarhorni
Leiða fjárhagslegan undirbúning fjármögnunarlota: fjárfestalíkön, cap table, sviðsmyndagreiningar og gagnaherbergi fyrir áreiðanleikakannanir
Vera einn helsti samstarfsaðili stofnenda í fjárfesta- og fjármögnunarviðræðum eftir því sem félagið stækkar

Menntunar- og hæfniskröfur

Menntun og reynsla á sviði fjármála, endurskoðunar eða rekstrar (t.d. viðskiptafræði, hagfræði, löggilding í endurskoðun er kostur)
Hefur reynslu af fjármálastjórnun, uppgjörsvinnu eða fjármálagreiningu – reynsla úr hugbúnaðar- eða sprotaumhverfi er mikill kostur
Hefur góðan skilning á skattamálum og reglufylgni, og áhuga á að vinna með alþjóðleg viðfangsefni (VSK, launatengd gjöld, milliverðlagning o.fl.)
Þrífst í óvissu, ert praktísk(ur) og hefur gaman af því að byggja upp ferla og kerfi frá grunni
Tekur ábyrgð, sýnir frumkvæði og getur unnið sjálfstætt jafnt sem þvert á teymi

Kostir sem gætu gert þig að sterkum umsækjanda:

Reynsla af SaaS- eða áskriftarrekstri og tengdum mælikvörðum (ARR, NRR, CAC/payback)
Reynsla af fjáröflun, samskiptum við fjárfesta eða áreiðanleikakönnunum
Reynsla af alþjóðlegum rekstri: stofnun og umsjón erlendra félaga, EOR-lausnum eða launavinnslu í fleiri en einu landi
Þekking á R&D-skattaívilnunum og styrkjaumhverfi
Góð framkoma í kynningum og hæfni til að einfalda flókin fjármál fyrir teymi, stjórn og fjárfesta

Af hverju Jónsbók?

Vertu hluti af ferðalagi þar sem þú getur haft raunveruleg áhrif
Byggðu upp fjármálastarfsemi ört vaxandi alþjóðlegs hugbúnaðarfyrirtækis frá grunni
Starfaðu í fremstu röð við að móta hvernig gervigreind er notuð í lögfræði
Starfaðu með nýjustu tækni og teymi sem lærir og framkvæmir hratt, með viðskiptavini á Íslandi og erlendis
Möguleiki á ferðalögum og þátttöku í uppbyggingu á nýjum mörkuðum
Samkeppnishæf kjör og möguleiki á árangurstengingu

Auglýsing birt18. ágúst 2026

Umsóknarfrestur27. ágúst 2026

Tungumálahæfni