Laus störf Hæfnileit Vinnustaðir Námskeið

Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Félagsráðgjafi eða sérfræðingur í barna- og fjölskylduvernd

Laus er til umsóknar 100% staða ráðgjafa við barna- og fjölskylduvernd Múlaþings. Starfið er laust nú þegar.

Starfskraftur sinnir meðal annars barnaverndarmálum, félagslegri ráðgjöf, samþættingu þjónustu í þágu farsældar barna, samvinnu eftir skilnað sem og öðrum þeim störfum sem almennt tilheyra sviðinu.

Næsti yfirmaður er sviðstjóri velferðar.

Á fjölskyldusviði Múlaþings starfar fjölbreyttur hópur sérfræðinga og lögð er áhersla á teymisvinnu.

Helstu verkefni og ábyrgð

Vinnsla barna- og fjölskylduverndarmála.
Ráðgjöf við foreldra og börn.
Ráðgjöf við aðra sem að málum barna koma.
Málstjóri barnaverndarmála.
Málstjóri í samþættingu þjónustu í þágu farsældar barna.
Félagsleg ráðgjöf.
Samstarf við aðrar stofnanir.

Menntunar- og hæfniskröfur

Starfsréttindi í félagsráðgjöf eða menntun á uppeldis-, heilbrigðis- eða félagsvísindasviði.
Þekking og reynsla af félagsþjónustu og barnavernd er kostur.
Reynsla af starfi í opinberri stjórnsýslu er kostur.
Góð færni í mannlegum samskiptum, samstarfi og teymisvinnu.
Góð alhliða tölvukunnátta, þekking á OneSystems er kostur.
Frumkvæði og sjálfstæði í vinnubrögðum.
Hæfni til að tjá sig í ræðu og riti á íslensku og ensku.
Hreint sakavottorð.
Bílpróf.

Fríðindi í starfi

Heilsueflingarstyrkur

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar um starfið veitir Rannveig Hrönn Friðriksdóttir verkefnastjóri barna- og fjölskylduverndar [email protected] eða í síma 4700700.

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt23. febrúar 2026

Umsóknarfrestur19. mars 2026

Tungumálahæfni