Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Félagsmiðstöðin Garðalundur - forstöðumaður

Laust er til umsóknar starf forstöðumanns í félagsmiðstöðinni Garðalundi frá 1. nóvember 2026.

Hlutverk félagsmiðstöðvarinnar er að styðja við unglinga í gegnum fjölbreytt tómstundastarf í Garðaskóla. Megin markmið starfsins er að veita þeim tækifæri til samveru og stunda heilbrigðar tómstundir undir leiðsögn reyndra tómstundaleiðbeinenda. Leiðarljós starfsins er að efla félagsfærni, sjálfsmynd og virkni unglinganna. Unnið er út frá hugmyndafræði barna- og unglingalýðræðis, hugmyndum og áhugasviði nemenda skólans. Félagsmiðstöðin á einnig samstarf við aðrar félagsmiðstöðvar á vegum Garðabæjar en þær eru Elítan í Álftanesskóla, Klakinn í Sjálandsskóla, Urri í Urriðaholtsskóla og Torgið Ungmennahús.

Leitað er að skipulögðum, hugmyndaríkum og traustum einstaklingi sem hefur ánægju af að vinna með ungmennum og börnum og er tilbúinn til að leggja sig fram um að mæta þörfum þeirra og möguleikum.

Helstu verkefni og ábyrgð

Ber ábyrgð á faglegri stefnumótun, þróun og gæðum starfs félagsmiðstöðvarinnar með uppeldis-, lýðræðis- og forvarnarsjónarmið að leiðarljósi
Ber ábyrgð á daglegum rekstri félagsmiðstöðvarinnar og að starfsemin sé innan samþykktra fjárheimilda
Ber ábyrgð á húsnæði, búnaði, öryggismálum og góðri umgengni.
Sinnir reglulegum samskiptum við foreldra og forráðamenn og stuðlar að virku samstarfi heimilis, skóla og félagsmiðstöðvar.
Hefur mannaforráð og ber ábyrgð meðal annars á ráðningum, handleiðslu starfsmannavinnuskipulagi, starfsþróun og símenntun
Skipuleggur og leiðir fjölbreytt félags-, tómstunda- og forvarnastarf fyrir börn og ungmenni
Skipuleggur og/eða hefur umsjón með hópastarfi/klúbbastarfi
Styður við þátttöku í starfinu, frumkvæði og lýðræðislega aðkomu í samvinnu við börn og ungmenni
Vinnur í nánu samstarfi við foreldra, skóla, skólaþjónustu, barnavernd, lögreglu og aðra hagaðila að farsæld barna og ungmenna
Tekur þátt í samráðs- og teymisvinnu og er tengiliður félagsmiðstöðvarinnar gagnvart samstarfsaðilum innan og utan sveitarfélagsins
Ber ábyrgð á upplýsingamiðlun, markaðssetningu og kynningu á starfsemi félagsmiðstöðvarinnar

Menntunar- og hæfniskröfur

Háskólamenntun (BA, B.Ed. eða BS gráða) á sviði tómstunda- og félagsmálafræði, uppeldis- og menntunarfræða, kennslufræða eða annarrar sambærilegrar menntunar sem nýtist í starfi.
Reynsla af starfi með börnum og/eða unglingum í frístundastarfi
Íslenskukunnátta á stigi B2 samkvæmt evrópska tungumálarammanum
Enskukunnátta á stigi B1 samkvæmt evrópska tungumálarammanum
Þekking og/eða reynsla af rekstri og stjórnun
Góð færni í framsetningu texta og upplýsingamiðlun
Góð almenn tölvukunnátta og hæfni til að nýta upplýsingatækni í starfi
Framúrskarandi samskiptahæfni
Frumkvæði, sjálfstæði og metnaður í starfi
Hæfni til að leiða teymi og byggja upp jákvætt starfsumhverfi
Reynsla af skipulagningu og framkvæmd verkefna og viðburða er æskileg

Fríðindi í starfi

Heilsuræktarstyrkur að upphæð 20.000 kr. eftir 6 mánuði í starfi
Bókasafnskort eftir 3 mánuði í starfi
Menningarkort eftir 3 mánuði í starfi
Sundlaugarkort eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn

Umsóknarfrestur er til og með 12. október 2026. Starfsmaður þarf að geta byrjað strax.

Nánari upplýsingar um starfið veitir Kári Jónsson, íþrótta-, tómstunda- og forvarnarfulltrúi með því að senda tölvupóst á [email protected].

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að fara í Sækja um hér til hliðar og opna vefform.

Auglýsing birt8. október 2026

Umsóknarfrestur12. október 2026

Tungumálahæfni